| e-texts navigator |
| Wylie |
437a1 བྱེད་དོ་སྙམ་ནས། ཁྱེད་གང་ཡིན་ཞེས་དྲིས་སོ། །བདག་མཽ་དགལ་ཞེས་བྱ་བའོ། །བཙུན་པ་རང་གི་གཟུགས་ཀྱིས་གནས་པར་གྱིས་ཤིག་།གནས་བརྟན
437a2 གྱིས་ཀླུའི་ལུས་དོར་ནས། དེའི་རྣ་བ་གཡས་པའི་བུ་ག་ནས་ཞུགས་ཏེ། རྣ་བ་གཡོན་པའི་བུ་ག་ནས་འཐོན་ནོ། །ཡང་རྣ་བ་གཡོན་པའི་བུ་ག་ནས་ཞུགས་ནས། རྣབ་གཡས་པའི་བུ་ག
437a3 ནས་འཐོན་ནོ། །དེ་བཞིན་དུ་སྣ་གཡས་པའི་བུ་ག་ནས་ཞུགས་ནས། སྣ་གཡོན་པའི་བུ་ག་ནས་འཐོན་ཏེ། ཡང་སྣ་གཡོན་པའི་བུ་ག་ནས་ཞུགས་ནས། སྣ་གཡས་པའི་བུ་ག་ནས་འཐོན
437a4 ནོ|་|དེ་ནས་ཀླུའི་རྒྱལ་པོའི་ཁ་གདངས་སོ། །གནས་བརྟན་ཁར་ཞུགས་ནས། གསུས་པའི་ནང་དུ་མདུན་རྒྱབ་ཏུ་ཡང་དང་། ཡང་དུ་རྒྱུས་སོ། །བཅོམ་ལྡན་འདས་ཀྱིས་མཽ་དགལ་རྫུ
437a5 འཕྲུལ་ཆེར་ཡིད་ལ་གྱིས་ཤིག། ཀླུ་རྫུ་འཕྲུལ་ཆེན་པོ་དང་ལྡན་པ་ཡིན་ནོ་ཞེས་བཀའ་སྩལ་ཏོ། །གནས་བརྟན་གྱིས། བཙུན་པ། བདག་གིས་རྫུ་འཕྲུལ་གྱི་རྐང་པ་བཞི་བསྒོམ
437a6 པ་དང་|་མང་དུ་བྱས་པ་དང་། བརྩོན་པར་བྱས་པ་དང་། གཞིར་བྱས་པ་དང་། རྗེས་སུ་བསྒྲུབས་པ་དང་། འདྲིས་པར་བྱས་པས་ལེགས་པར་བརྩམས་སོ། །བཙུན་པ། དགའ་བོ
437a7 ཉེར་དགའ་ལྟ་ཞོག། དགའ་བོ་ཉེར་དགའ་དང་མཚུངས་པར་བརྒྱའི་ཚོགས་དང་། སྟོང་གི་ཚོགས་དང་། འབུམ་གྱི་ཚོགས་ཀྱང་བདག་གིས་གདུལ་བར་ནུས་སོ་ཞེས་གསོལ་ཏོ། །
iiif viewer powered by OpenSeadragon
