| e-texts navigator |
| Wylie |
436a1 རབ་སྟེང་འོག་ཐམས་ཅད་རང་གི་ལུས་ཀྱིས་ལན་བདུན་བཀྲིས་ནས། སྟེང་དུ་གདེངས་ཀ་བྱས་ཏེ། སུམ་ཅུ་རྩ་གསུམ་པ་རྣམས་ཀྱིས་མི་མཐོང་བར་བྱ
436a2 བའི་ཕྱིར་རོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། སྔར་བཞིན་གནས་འདིའི་ཕྱོགས་སུ་འདུག་ན་རིའི་མཆོག
436a3 རབ་མཐོང་ངོ་། །རི་བོ་མཆོག་རབ་འཁོར་དང་བཅས་པ་མཐོང་ངོ་། །སུམ་ཅུ་རྩ་གསུམ་མཐོང་ངོ་། །རྣམ་པར་རྒྱལ་བའི་ཁང་བཟང་མཐོང་ངོ་། །རྣམ་པར་རྒྱལ་བའི་ཁང
436a4 བཟང་གི་སྟེང་གི་རྒྱལ་མཚན་མཐོང་ངོ་། །བཙུན་པ། ཅིའི་རྒྱུ་ཅིའི་རྐྱེན་ལགས། ད་ནི་རི་བོ་མཆོག་རབ་མི་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཡུལ
436a5 འཁོར་སྐྱོང་། འདི་ནི་ཀླུའི་རྒྱལ་པོ་དགའ་བོ་ཉེར་དགའ་ཞེས་བྱ་བ་ཁྱེད་རྣམས་ལ་ཁྲོས་པར་གྱུར་ཏེ། རི་བོ་མཆོག་རབ་ལན་བདུན་དུ་ལུས་ཀྱི་དཀྲིས་ནས་སྟེང་དུ་གདེངས
436a6 ཀས་བསྒྲིབས་སོ། །མུན་པ་མུན་ནག་ཏུ་བྱས་ནས་གནས་སོ། །གསོལ་པ། བཙུན་པ། བདག་གིས་འདུལ་བར་བགྱིའམ། བཅོམ་ལྡན་འདས་ཀྱིས་གནང་བ་མ་བྱིན་ནོ། །དེ་ནས་ཚེ
436a7 དང་ལྡན་པ་བཟང་ལྡན་དང་། ཚེ་དང་ལྡན་པ་སྒྲ་གཅན་འཛིན་ཏེ། གྲོ་རིམ་བཞིན་དུ་དགེ་སློང་ཐམས་ཅད་ཀྱིས་ཞུས་སོ། །བཅོམ་ལྡན་འདས་ཀྱིས་རྗེས་སུ་གནང་བ་མ་བྱིན་ནོ། །ཐམས
iiif viewer powered by OpenSeadragon
