| e-texts navigator |
| Wylie |
435a1 དགའ་བོ་ཉེར་དགའ་འདུལ་བའི་མདོ། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག
435a2 ན|་བཅོམ་ལྡན་འདས་མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་དུས་གཅིག་ན། བཅོམ
435a3 ལྡན་འདས་ཀྱིས་ཆོས་བསྟན་པ་ཐོས་ནས། བཙུན་པ་དགེ་སློང་ལྔ་བརྒྱ་དང་བཅས་པ་སང་ནང་པར་བདག་གི་ཁྱིམ་དུ་གདུགས་ཚོད་ལ་འབྱོན་པར་ཞུ་ཞེས་མགྲོན་དུ་གཉེར་ཏོ། །
435a4 བཅོམ་ལྡན་འདས་ཀྱིས་དེ་ལ་གནང་ནས། དེའི་ཉིན་མོའི་ལྷག་མ་དང་། མཚན་མོའི་མཐའ་འདས་ནས་ཐོ་རངས་ཀྱི་དུས་སུ་སྟོང་ཕྲག་བཅུའི་འཇིག་རྟེན་གྱི་ཁམས་ལ་ཐུགས
435a5 ཀྱིས་རྣམ་པར་དགོངས་སོ། །དེ་ནས་ཀླུའི་རྒྱལ་པོ་དགའ་བོ་ཉེར་དགའ་ཞེས་བྱ་བ་ཡེ་ཤེས་ཀྱི་སྒོ་ནས་མངོན་དུ་བྱས་སོ། །དེ་ལ་ངེས་པར་ལེགས་པའི་ས་བོན་ཡོད་དམ་ཞེས
435a6 བརྟགས་པ་ན། འདི་ནི་ལོག་པར་ལྟ་བ་ཅན་དཀོན་མཆོག་གསུམ་ལ་དད་པ་མེད་པར་གཟིགས་སོ། །གཟིགས་ནས་གང་ཞིག་འདི་ནི་ལོག་བར་ལྟ་བ་ལས་རྣམ་པར་གྲོལ་བར་བྱ
435a7 བའི་ཕྱིར། འདུལ་བར་བྱེད་པ་གནས་བརྟན་ཆེན་པོ་མཽ་དགལ་གཟིགས་སོ། །དེ་ནས་མཚན་མོ་ཐོ་རངས་ཀྱི་དུས་སུ་སྐུའི་བྱི་དོར་མཛད་ནས། ཚེ་དང་ལྡན་པ་ཀུན་དགའ་བོ་བོས
iiif viewer powered by OpenSeadragon
