| e-texts navigator |
| Wylie |
427b1 ཚ་བའི་ཚོར་བ་མྱོང་བར་འགྱུར་རོ། །དགེ་སློང་དག། བརྫུན་དུ་སྨྲ་བ་ནི་སྦྲུལ་དུག་ཅན་དང་འདྲ་བར་ཡིད་ལ་བྱའོ། །དེས་སྡུག་བསྔལ་མང་པོ་བྱེད་དོ། །དམྱལ་བར་འཇུག་པ་དང་། ཡི
427b2 དྭགས་ཀྱི་ཡུལ་དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །གང་ཞིག་བརྫུན་དུ་སྨྲ་བ་ནི། །རྣམ་པར་སྨིན་པ་ཆེན་པོའོ། །དེ་མིར་སྐྱེས་ཀྱང་སྙིང་རྗེ་མེད་པ་དང་། སྐད
427b3 བྱ་རོག་གི་དང་འདྲ་བ་དང་། ལྕེ་མི་བདེ་བ་དང་། སོ་ལ་སྲིན་འབྱུང་བ་དང་། ཁ་དྲི་མི་ཞིམ་པ་དང་། སོ་མི་སྙོམས་པ་དང་། ཚིག་རྩུབ་པ་དང་། གྲེ་བ་འཛེར་བ་དང་། མཆུ་མི་བདེ
427b4 བ་དང་། ཕྲག་དོག་དང་བཅས་པ་དང་། རྟག་ཏུ་སྲེད་པ་དང་ལྡན་པ་དང་། དེ་ལུས་ཞིག་ནས་ཤི་བའི་ཕ་རོལ་ཏུ་ཐིག་ནག་ཏུ་སྐྱེ་བར་འགྱུར་རོ། །དེའི་ཕྱིར་བཅོམ་ལྡན་འདས་ཀྱིས
427b5 བཀའ་སྩལ་པ། ཁ་ནས་རྣག་གི་དྲི་ལྡང་ཞིང་། །དཔག་ཚད་གཅིག་ཏུ་དྲི་ངན་འགྲོ་།ཆོས་ནི་ཤེས་པར་ཡང་མི་འགྱུར། །བརྫུན་དུ་སྨྲས་པའི་ཉེས་པའོ། །བརྫུན་དུ་སྨྲས་པའི་རྣམ
427b6 པར་སྨིན་པའོ། །བརྫུན་དུ་སྨྲ་བ་སྤངས་པ་ཡིས། །སྐྱེས་པའམ་ནི་བུད་མེད་ནི། །ཐོབ་པར་འགྱུར་ཏེ་ཕན་ཡོན་ནི། །སུམ་ཅུ་རྩ་གསུམ་མི་ཉུང་བ། །མིག་དང་རྣ་བ་སྣ་དང་ནི། །ལྕེ་དང
427b7 ལུས་དང་དེ་བཞིན་ཡིད། །དེ་ལ་རྣམ་པར་དག་པར་འགྱུར། །པདྨའི་ཟེ་འབྲུ་ལྟར་མཚུངས་སོ། །མིག་དང་སོ་ནི་མཉམ་པ་དང་། །ལུས་ནི་མི་རིང་མི་ཐུང་ལ། །ཧ་ཅང་སྦོམ་དང་ཕྲ་བ
iiif viewer powered by OpenSeadragon
