| e-texts navigator |
| Wylie |
427a1 ཕྱི་རོལ་ཏུ་ཕྱུང་སྟེ། ཐག་པས་བཅིངས་ནས་ཕྱི་རོལ་ཏུ་འདོན་ཏོ། །དེ་ལྟར་ཕྱི་རོལ་ཏུ་བཏོན་པ་ལ། ལྕེའི་རྩེ་མོ་ལ་མཚོན་ཆས་བརྒྱབ་པའི་གནས་སུ་མཆུ
427a2 རང་ལ་སྐྱེས་པའི་སྲིན་འབུ་ཆེན་པོས་ཟའོ། །དེ་ལྟར་ཟོས་བས་ཅུང་ཟད་ཀྱང་སྨྲ་བར་མི་ནུས་སོ། །དེ་ལྟར་དེ་ནི་དེ་ལ་ལོ་སྟོང་ཕྲག་དུ་མར་འཚེད་པར་འགྱུར་རོ། །བཙོས་ནས་ཡང
427a3 དམྱལ་བ་ཆེན་པོར་ལྷུང་བར་འགྱུར་རོ། །དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། གང་ཞིག་བུད་མེད་སྐྱེས་པ་འདོད། །སྐྱེ་བ་སྐྱེ་བར་ཡང་དང་ཡང་། །ལྷ་དང་ལྷ་མོ
427a4 ཇི་བཞིན་དུ། །རང་གི་ཁྱོ་ནི་སྤང་མི་བྱ། །བརྫུན་དུ་སྨྲས་པས་སླར་ཡང་ཐིག་ནག་ཏུ་སྐྱེ་བར་འགྱུར་རོ། །དེར་ཡང་དམྱལ་བའི་སྲུང་མ་རྣམས་ཀྱིས་སྒྲ་ཆེན་པོའི་ཚིག་སྒྲོགས
427a5 ཤིང་|་མཚོན་ཆ་འབར་བ་སྣ་ཚོགས་པ་བླངས་ནས་ལྕགས་བསྲེགས་ཀྱི་ས་གཞི་ལ་དམྱལ་བའི་སེམས་ཅན་གཅིག་གིས་གཅིག་འགྲུད་པ་དང་། འབར་བའི་ཐིག་ནག་པོས
427a6 འདེབས་པ་དང་། འབར་བའི་མཚོན་ཆ་བཟུང་ནས་ཡང་དག་པར་བསྒྱུར་བ་དང་། ཞིབ་མས་འཚག་པ་བཞིན་དུ། སྟེའུ་དང་། དགྲ་སྟས་གཞོགས་པ་དང་། དེ་རྣམས་ཀྱིས་སྒྲ
427a7 ཆེན་པོ་སྒྲོགས་ཏེ་དུ་ཞིང་གནས་སོ། །རང་གི་ཁྲག་འཐུང་ཞིང་ནང་དུ་དེར་གནས་པ་དེ་ཐིག་ནག་སྟེ། བརྫུན་དུ་སྨྲས་པས་སྐྱེའོ། །དེར་སྡུག་བསྔལ་དྲག་པ་དང་། རྩུབ་པ་དང་།
iiif viewer powered by OpenSeadragon
