| e-texts navigator |
| Wylie |
425b1 བཙུགས་པ་རྣམས་ལ་ལྷུང་ངོ་། །དེ་རྣམས་བཤང་ལམ་ནས་འཐོན་པས། དེ་རྣམས་ཀྱིས་སྡུག་བསྔལ་མྱོང་བར་འགྱུར་རོ། །རྒྱུན་ཏུ་ངུ་ཞིང་དཔག་ཚད་དྲུག་ཅུ་པའི་ལྕགས་ཀྱི་བུམ་པ་ན
425b2 བསྐལ་པ་གཅིག་ཏུ་སྡོད་དོ། །མེ་མདག་གིས་ཡོངས་སུ་གང་བར་དམྱལ་བའི་སྲུང་མ་རྣམས་ཀྱིས་ཁར་ལུགས་སོ། །དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། རི་ནག་རྩེགས
425b3 པ་མཉམ་ཞིང་མཐོ། །ཤིང་ནི་ཚེར་མར་བཅས་པ་དང་། །ལྕགས་ཀྱི་ཚེར་མ་རྣོན་པོ་ཡིས། །འཇིག་རྟེན་མི་ལ་བདེ་བ་མེད། །ཤིང་གི་རྩེ་མོར་གནས་པ་ཡི། །དུས་ཀྱི་ཆུང་མས་ཅི་ཞིག
425b4 བྱ|་|དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདོད་པ་རྣམས་ལ་ལོག་པར་གཡེམ་པ་ནི། སྦྲུལ་དུག་ཅན་དང་འདྲ་བར་བལྟ་བར་བྱའོ། །དམྱལ་བར་འཇུག་པ
425b5 དང་། ཡི་དྭགས་ཀྱི་ཡུལ་དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །གང་ཞིག་འདོད་པ་རྣམས་ལ་ལོག་པར་གཡེམ་པའི་རྣམ་པར་སྨིན་པ་ནི་ཤིན་ཏུ་ཆེན་པོའོ། །དེ
425b6 མིར་སྐྱེས་ཀྱང་། སྡུག་བསྔལ་ཆེན་པོ་མྱོང་བར་འགྱུར་རོ། །དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། སྐྱེ་བ་ལྔ་བརྒྱར་བུད་མེད་འགྱུར། །དེ་བཞིན་དུ་ནི་མ་ནིང་འགྱུར། །
425b7 སྐྱུག་བྲོའི་མཛེ་ཅན་ཡང་ཡང་འགྱུར། །ལོག་པར་གཡེམ་པའི་ཉེས་པའོ། །སྐྱེ་བ་དུ་མར་ཉེ་བར་འཚེ་བ་དང་། དགྲ་མང་བར་འགྱུར་བ་དང་། མི་མཛའ་བ་དང་རྟག་ཏུ་ལྷན་ཅིག་ཏུ
iiif viewer powered by OpenSeadragon
