| e-texts navigator |
| Wylie |
425a1 རྣམས་ཀྱིས་ནི་འཚེ་མི་འགྱུར། །འདི་འདྲ་བ་ཡི་ལོངས་སྤྱོད་ལྡན། །གང་ཞིག་སྟེར་དང་ཟ་བ་ལ། །མེད་ཅེས་པ་ནི་འབྱུང་མི་འགྱུར། །རྟག་ཏུ་བདེ་བར་གནས
425a2 པ་དང་། །མ་བྱིན་ལེན་པ་སྤངས་པ་ཡིས། །སྐྱེས་པ་འམ་ནི་བུད་མེད་ལ། །ཐོབ་པར་འགྱུར་ཏེ་ཕན་ཡོན་ནོ། །ལྷ་རྣམས་དང་ནི་མི་རྣམས་སུ། །དེ་ལུས་ཞིག་ཅིང་ཤི་ནས་བདེ་འགྲོ་མཐོ
425a3 རིས་དང་། ལྷའི་འཇིག་རྟེན་དུ་ཉེ་བར་སྐྱེའོ། །འདོད་པ་རྣམས་ལ་ལོག་པར་གཡེམ་པས་ནི་འཚོ་བའི་འཇིག་རྟེན་འདིར་འདོད་པར་བྱེད་པ་ནི། དེའི་ལུས་ཞིག་ནས་ཤི་བའི་ཕ་རོལ་ཏུ
425a4 ངུ་འབོད་ཆེན་པོར་སྐྱེ་ཞིང་ལྟུང་བར་འགྱུར་རོ། །དེ་ནས་ཕྱི་རུ་ཆུ་བོ་རབ་མེད་ཀྱི་ངོགས་གཉིས་སུ་ཤཱལ་མ་ལིའི་ནགས་དཔག་ཚད་བརྒྱད་ཅུ་གྱེན་དུ་མཉམ་ཞིང་མཐོ་བ། ཚེར་མ
425a5 སོར་བཅུ་དྲུག་པ་ཡལ་ག་རྣམས་ཐུར་ལ་འཕྱང་བ། ལུས་པོ་རྒྱང་གྲགས་བཅུ་གཉིས་དང་ལྡན་ཞིང་ལུས་ལ་མེ་གྱེན་དུ་འབར་བ། དཔག་ཚད་དྲུག་ཅུར་གྱེན་དུ་འགྲོ་ཞིང་དེ་ལ
425a6 རྟག་ཏུ་སྣ་ཚོགས་པའི་མཚོན་གྱིས་ཕན་ཚུན་དུ་གསོད་ཅིང་། དེ་ནི་ཤཱལ་མ་ལིའི་ཤིང་གི་ནགས་ལ་ཤོན་ནོ། །ལོ་སྟོང་ཕྲག་མང་པོར་ཤིང་གི་ཚེར་མ་ལ་འཛེག་གོ་།གཞན
425a7 ཡང་དམྱལ་བའི་སྲུང་མ་རྣམས་ཀྱིས་མཚོན་བླངས་ནས་རྒྱབ་པས་དུ་ཞིང་མགོ་ཐུར་ལ་བསྟན་ནས་ལྷུང་ངོ་། །ལྷུང་བའི་དུས་སུ་ལྕགས་བསྲེགས་ཀྱིས་གཞིར་གསལ་ཤིང
iiif viewer powered by OpenSeadragon
