| e-texts navigator |
| Wylie |
389b1 བརྟེན་ནོ། །སྒྲ་མེད་ཅིང་དབྱངས་མེད་པར་དབེན་པར་གནས་ཤིང་འདུ་འཛིའི་འཚེ་བ་མེད་དོ། །སོ་སོར་དགེ་སྦྱོང་རྣམས་མཐུན་པར་གནས་སོ། །དེ་ན་གནོད་སྦྱིན་མ་རུངས་པ་རྣམས
389b2 ཀྱི་གནས་ཡོད་དོ། །གང་ཞིག་གིས་བཅོམ་ལྡན་འདས་ཀྱི་གསུང་རབ་ལ་མ་དད་པར་གྱུར་ཏེ། དེ་རྣམས་དད་པར་བྱ་བའི་ཕྱིར་བཙུན་པ་བཅོམ་ལྡན་འདས་ལ་བསླབ་པར་བྱ་སྟེ།
389b3 ལྕང་ལོ་ཅན་གྱི་ཕོ་བྲང་གིས་བསྲུང་དུ་གསོལ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་རྣམས་ལ་བསྲུང་བ་དང་། སྦ་བ་དང་། འཚེ་བ་མེད་པ་དང་།
389b4 བདེ་བ་དང་། ལེགས་པར་གནས་སོ། །བཅོམ་ལྡན་འདས་ཀྱིས་ཅང་མི་གསུང་བའི་ཚུལ་གྱིས་གནང་ངོ་། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་བཅོམ་ལྡན་འདས་ཀྱིས་གནང་བ
389b5 ཤེས་ཏེ། དེའི་ཚེ་འདི་ལྟར་ལྕང་ལོ་ཅན་གྱི་ཕོ་བྲང་གིས་སྲུངས་ཤིག་ཅེས་གསོལ་ཏོ། །སྤྱན་ལྡན་དཔལ་དང་ལྡན་པ་ཡི། །རྣམ་པར་གཟིགས་ལ་ཕྱག་འཚལ་ལོ། །འབྱུང་པོ་རྣམས
389b6 ལ་བརྩེ་བ་ཡི། །གཙུག་ཏོར་ཅན་ལའང་ཕྱག་འཚལ་ལོ། །མགོན་མེད་རྣམས་ལ་གདུང་བ་ཡི། །ཐམས་ཅད་སྐྱོབ་ལ་ཕྱག་འཚལ་ལོ། །བདུད་ཀྱི་སྡེ་རྣམས་འཇོམས་པ་ཡི། །འཁོར
389b7 བ་འཇིག་ལ་ཕྱག་འཚལ་ལོ། །བྲམ་ཟེ་དཔལ་དང་ལྡན་པ་ཡི། །གསེར་ཐུབ་ལ་ནི་ཕྱག་འཚལ་ལོ། །སེམས་ཅན་རྣམ་གྲོལ་མཛད་པ་ཡི། །འོད་སྲུང་ལ་ནི་ཕྱག་འཚལ་ལོ། །
iiif viewer powered by OpenSeadragon
