| e-texts navigator |
| Wylie |
386a1 ཉ་བའི་འཕྲིན་གསན་ནས་དགེ་སློང་གི་དགེ་འདུན་ཆེན་པོ་འཁོར་དུ་བྱས་ཏེ། རྒྱལ་པོའི་ཁབ་ནས་ཕྱིར་བྱོན་ཏེ་གོ་རིམ་བཞིན་དུ་གྲོང་ཁྱེར་མཉན་ཡོད
386a2 དུ་བྱོན་ནོ། །གཙོ་བོ་ཆེན་པོ་ཡང་གཙུག་ལག་ཁང་ཆེན་པོ་སྟ་གོན་བྱས་ནས་དེ་བཞིན་གཤེགས་པ་རྒྱལ་བྱེད་ཚལ་དུ་བྱོན་པའི་ཉིན་མོ་བུ་རྒྱན་ཐམས་ཅད་ཀྱིས་བརྒྱན་ནོ། །སླར
386a3 ཡང་བརྒྱན་པ་ཉིད་ཀྱི་གཞོན་ནུ་ལྔ་བརྒྱ་དང་བཅས་པ་བཏང་ངོ་། །དེ་འཁོར་དང་བཅས་བ་ཁ་དོག་ལྔའི་གོས་ཡང་དག་པར་འབར་བའི་རྒྱལ་མཚན་བརྒྱ་ཐོགས་ནས་སྟོབས་བཅུ
386a4 བའི་མདུན་དུ་སོང་བར་གྱུར་ཏོ། །དེ་རྣམས་ཀྱི་ཕྱི་མ་ལ་ལེགས་བཟང་ཆེན་མོ་དང་། ལེགས་བཟང་མ་ཆུང་བ་སྟེ་བུ་མོ་གཉིས། གཞོན་ནུ་མ་ལྔ་བརྒྱ་དང་བཅས་པ་གསེར་གྱིས་གང
386a5 བའི་བུམ་པ་ལག་པར་ཐོགས་ནས་ཕྱིར་འཐོན་ནོ། །དེའི་ཕྱི་མ་ལ་ཚོང་དཔོན་གྱི་ཆུང་མ་རྒྱན་ཐམས་ཅད་ཀྱིས་བརྒྱན་ནས་བུད་མེད་ལྔ་བརྒྱ་དང་བཅས་པ་གསེར་གྱིས་གང་བའི་སྡེར
386a6 མ་ཆེན་པོ་ཐོགས་ནས་ཕྱིར་འཐོན་ཏོ|་། ཐམས་ཅད་ཕྱིན་ནས་ཚོང་དཔོན་རང་ཉིད་གོས་བཟང་པོ་གྱོན་ནོ། །དེ་བཞིན་དུ་གོས་བཟང་པོ་གྱོན་པའི་ཚོང་དཔོན་ལྔ་བརྒྱ་དང་བཅས་པ
386a7 བཅོམ་ལྡན་འདས་ཀྱི་དྲུང་དུ་སོང་ངོ་། །བཅོམ་ལྡན་འདས་ཀྱི་འཁོར་དགེ་བསྙེན་འདི་རྣམས་མདུན་དུ་བྱས་ནས། དགེ་སློང་གི་དགེ་འདུན་ཆེན་པོ་རྣམས་འཁོར་དུ་བྱས་ཏེ། རང
iiif viewer powered by OpenSeadragon
