| e-texts navigator |
| Wylie |
276a1 ཞིང་། །དོན་མེད་ལྟོས་པ་མེད་པ་ཡི། །དོར་ནས་འགྲོ་བར་བྱ་བ་ཡིན། །དེ་ཡི་ལམ་ནི་ཡོད་དམ་སྙམ། །འབད་པ་མེད་པར་ལམ་མི་ཐོབ། །དེ་ཡི་ལམ
276a2 ནི་བཙལ་བར་བྱ། །སྲིད་པ་རྣམས་ལས་གྲོལ་འགྱུར་སྙམ། །དེ་ནས་ལྷག་པར་ཡང་བསམས་པ། །ཇི་ལྟར་འཇིག་རྟེན་པའི་སྡུག་བསྔལ་གྱི་མི་མཐུན་པའི་ཕྱོགས་སུ་གྱུར
276a3 པའི་བདེ་བ་ཞེས་བྱ་བ་ཡོད་དོ། །དེ་ལྟར་མི་མཐུན་ཕྱོགས་སྲིད་པ་ཡོད་ན་མྱ་ངན་ལས་འདའ་བར་འགྱུར་རོ་སྙམ། དེ་ལྟར་ཡང་གདུང་བ་ཡོད་ན་དེ་ཞི་བར་བྱེད་པའི་བསིལ
276a4 བ་ཡོད་དོ། །དེ་བཞིན་དུ་འདོད་ཆགས་ལ་སོགས་པའི་མེ་ཞི་བར་བྱེད་པའི་མྱ་ངན་ལས་འདས་པ་ཡོད་པར་འགྱུར་རོ་སྙམ་མོ། །ཇི་ལྟར་ཡང་སྡིག་པ་དང་མི་མཐུན་པའི
276a5 ཕྱོགས་སུ་གྱུར་པ་ཁ་ན་མ་ཐོ་བ་མེད་པའི་དགེ་བའི་ཆོས་ཡོད་པ་འགྱུར་སྙམ་པ་ཉིད་དོ། །དེ་དང་། དེ་ལྟ་བུ་ཉིད་ཀྱིས་སྡིག་པ་ཅན་ལ་སོགས་པའི་སྐྱེ་བ་ཡོད་ན། སྐྱེ་བ་ཐམས
276a6 ཅད་ཟད་པར་བྱེད་པའི་སྐྱེ་བ་མེད་པར་གྲགས་པའི་མྱ་ངན་ལས་འདས་པའང་ཡོད་པར་འགྱུར་སྙམ་པ་ཉིད་དོ། །དེ་ཡི་ཕྱིར་གསུངས་པ། ཇི་ལྟར་སྡུག་བསྔལ་ཡོད་པ
276a7 ན|་|བདེ་བ་ཞེས་པའང་ཡོད་པ་ཡིན། །དེ་ལྟར་སྲེད་པ་ཡོད་པ་ན། །སྲེད་བ་མེད་པའང་ཡོད་པ་ཡིན། །ཇི་ལྟར་ཚེ་བ་ཡོད་གྱུར་ན། །གྲང་བ་ཡང་ནི་ཡོད་པ་ཡིན། །དེ
iiif viewer powered by OpenSeadragon
