| e-texts navigator |
| Wylie |
275a1 སངས་རྒྱས་ཀྱི་རྒྱུད་བཤད་དོ། །བསྐལ་པ་གྲངས་མེད་བཞི་དང་ནི། །འབུམ་ཕྲག་གཅིག་ནི་ལྷག་པ་ན། །གྲོང་ཁྱེར་འཇིགས་མེད་ལྡན་ཞེས་པ། །
275a2 མཐོང་བ་ཡིས་ནི་དགའ་བ་བྱེད། །རྒྱུན་མི་འཆད་པ་སྒྲ་བཅུ་བཞིན། །བཟའ་དང་བཏུང་བ་ཡང་དག་ལྡན། །དེ་ལ་སྒྲ་བཅུ་རྒྱུན་མི་འཆད་པ་ནི། གླང་པོ་ཆེའི་སྒྲ་དང་།
275a3 རྟའི་སྒྲ་དང་། ཤིང་རྟའི་སྒྲ་དང་། རོལ་མོའི་སྒྲ་དང་། རོལ་མོ་མྲྀ་དཾ་གའི་སྒྲ་དང་། པི་ཝང་གི་སྒྲ་དང་། གླུའི་སྒྲ་དང་། རོལ་མོ་སམྨའི་སྒྲ་དང་། ཆ་ལང་གི་སྒྲ་དང་།
275a4 རྒོད་པ་དང་། འཐུང་བ་དང་། ཟ་བའི་སྒྲ་སྟེ། སྒྲ་བཅུ་པོ་འདི་རྣམས་ནི་རྒྱུན་མི་འཆད་པ་ཡིན་ནོ། །སྒྲ་དེ་རྣམས་ཕྱོགས་གཅིག་ཏུ་བྱ་སྟེ། གླང་པོའི་སྒྲ་དང་རྟའི་སྒྲ་དང་། །
275a5 རོལ་མོ་དུང་དང་ཤིང་རྟའི་སྒྲ། །ཟ་དང་འཐུང་བ་དེ་ཉིད་དང་། །བཟའ་དང་བཏུང་བའི་སྒྲ་དང་ནི། །སངས་རྒྱས་རྒྱུད་དུ་ཚིགས་སུ་བཅད་པ་འདི་གསུངས་ནས། གྲོང་ཁྱེར
275a6 ཡན་ལག་ཉིང་ལག་ལྡན། །འདོད་པ་ཐམས་ཅད་ཉེ་བར་གནས། །རིན་ཆེན་བདུན་པོ་ཡང་དག་ལྡན། །སྐྱེ་བོ་སྣ་ཚོགས་ཡང་དག་གང་། །ལྷ་ཡི་གྲོང་ཁྱེར་ཕུན་ཚོགས
275a7 བཞིན། །བསོད་ནམས་ཅན་ནི་གནས་པའོ། །འཇིགས་མེད་ལྡན་པའི་གྲོང་ཁྱེར་དུ། །བྲམ་ཟེ་བློ་བཟང་ཞེས་བྱ་བས། །ལོངས་སྤྱོད་བྱ་བ་དུ་མ་བསགས། །ནོར་དང་འབྲུ་ནི་མང
iiif viewer powered by OpenSeadragon
