| e-texts navigator |
| Wylie |
271a1 རྒྱས་ནས་སོ་སོར་རྟོགས་སོ། །ཡེ་ཤེས་འདི་ཡང་བདག་མཐོང་བར་གྱུར་པ་དང་། སྔར་མེད་པའི་རྣམ་པར་གྲོལ་བ་དང་། བདག་ནི
271a2 ལྷག་མ་མེད་པར་ཡང་སྲིད་པ་ལེན་པ་མེད་པར་མྱ་ངན་ལས་འདས་སོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་ལྔ་སྡེ་བཅོམ
271a3 ལྡན་འདས་ཀྱིས་གསུངས་པ་ལ་མངོན་པར་དགའོ། །འདི་ལྟར་ལུང་དུ་བསྟན་པ་དེ་ཚུན་ཆོད་ནས། ཚེ་དང་ལྡན་པ་ཀཽཎྜི་ནྱས་རྡུལ་སྤངས་པ་དང་། དྲི་མ་མེད
271a4 པའི་ཆོས་ཀྱི་མིག་སྐྱེས་སོ། །གང་ཅུང་ཟད་ཀུན་འབྱུང་བའི་ཆོས་ཐམས་ཅད་ནི་དེ་འགོག་པའི་ཆོས་ཡིན་ནོ། །བཅོམ་ལྡན་འདས་ཀྱིས་ཆོས་ཀྱི་འཁོར་ལོ་རབ
271a5 ཏུ་བསྐོར་ཞིང་བསྐོར་ནས། སའི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ། །དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ།
271a6 འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི་བཅོམ་ལྡན་འདས་ཀྱིས་ཡུལ་ཝཱ་ར་ཎཱ་སིའི་དྲང་སྲོང་ལྷུང་བ་དང་། རི་དྭགས་རྒྱུ་བའི་གནས་སུ
271a7 བཞུགས་ནས་བླ་ན་མེད་པའི་ཆོས་ཀྱི་འཁོར་ལོ་རབ་ཏུ་མ་བསྐོར་བ་བསྐོར་ཏོ། །དེ་ནས་སའི་ལྷའི་སྒྲ་ཐོས་ནས་རྒྱལ་ཆེན་རིས་བཞིའི་ལྷ་རྣམས་ཀྱིས་བསྟོད་པའི་སྒྲ
iiif viewer powered by OpenSeadragon
