| e-texts navigator |
| Wylie |
185a1 རབ་འབྱོར། བྱང་ཆུབ་སེམས་དཔའ་དེ་བཞིན་གཤེགས་པ་ལ་མཆོད་པ་ལ་བརྩོན་པས། བསྟོད་པ་སྣ་ཚོགས་ཉེ་བར་སྒྲུབ་པའི་མཆོད་པ་དང་། འཐོབ་པ་དང
185a2 བཀུར་སྟི་ཉེ་བར་སྒྲུབ་པའི་མཆོད་པ་དང་། ནན་ཏན་གྱིས་མཉེས་པར་བྱ་བའི་མཆོད་པ་དང་། མཆོད་པ་དང་། མཆོད་པ་ཆེན་པོ་དང་མཆོད་པ་རྣམ་པ་ལྔས་གཟུགས་ལ་དེ་བཞིན་གཤེགས
185a3 པ་ལ་མཆོད་པར་བྱའོ། །རབ་འབྱོར། བྱང་ཆུབ་སེམས་དཔའ་དེ་བཞིན་གཤེགས་པ་ལ་མཆོད་པ་ལ་བརྩོན་པས། བསྟོད་པ་སྣ་ཚོགས་ཉེ་བར་སྒྲུབ་པའི་མཆོད་པ་དང་། འཐོབ་པ་དང
185a4 བཀུར་སྟི་ཉེ་བར་སྒྲུབ་པའི་མཆོད་པ་དང་། ནན་ཏན་གྱིས་མཉེས་པར་བྱ་བའི་མཆོད་པ་དང་། མཆོད་པ་དང་། མཆོད་པ་ཆེན་པོ་དང་མཆོད་པ་རྣམ་པ་ལྔས་ཚོར་བ་དང་། འདུ་ཤེས་དང་།
185a5 འདུ་བྱེད་རྣམས་དང་། རྣམ་པར་ཤེས་པ་ལ་དེ་བཞིན་གཤེགས་པ་ལ་མཆོད་པར་བྱའོ། །དེ་ལྟར་དེ་བཞིན་གཤེགས་པ་ལ་མཆོད་པ་ལ་བརྩོན་པའི་བྱང་ཆུབ་སེམས་དཔའ་ལ་ཕྱོགས
185a6 བཅུའི་འཇིག་རྟེན་གྱི་ཁམས་མཐའ་ཡས་པའི་སངས་རྒྱས་བཅོམ་ལྡན་འདས་རྣམས་ཀྱིས་བསྔགས་པ་བརྗོད་པ་མཛད་དོ། །ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ལས
185a7 ཀྱང་འཐོབ་པ་དང་། བཀུར་སྟི་རྙེད་དོ། །སེམས་ཅན་ཚད་མེད་པ་ཡང་ཡོངས་སུ་སྨིན་པར་བྱེད་དོ། །སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་དེ། མྱུར་དུ་བླ་ན་མེད་པ་ཡང་དག་པར
iiif viewer powered by OpenSeadragon
