| e-texts navigator |
| Wylie |
184b1 གཏན་ལ་བརྟེན་པའི་ཤེས་རབ་དང་། འཇིག་རྟེན་ལས་འདས་པའི་བསམ་གཏན་ལ་བརྟེན་པའི་ཤེས་རབ་དང་། ཤེས་རབ་དང་། ཤེས་རབ་ཆེན་པོ་དང་ཤེས་རབ་རྣམ་པ་ལྔ་བསྒོམ་པར་བྱའོ། །རབ
184b2 འབྱོར|་བྱང་ཆུབ་སེམས་དཔའ་དགེ་བའི་བཤེས་གཉེན་ལ་བརྟེན་པ་དང་ལྡན་པས་མཉན་པས་བསྟེན་པ་དང་། བསྙེན་བཀུར་བྱ་བ་དང་ཡོངས་སུ་སྤྱད་པ་དང་བསླབ་པའི་ཆོ་ག་དང་མཐུན་པས
184b3 བསྟེན་པ་དང་། ནན་ཏན་གྱིས་མགུ་བར་བྱ་བས་བསྟེན་པ་དང་། བསྟེན་པ་དང་། བསྟེན་པ་ཆེན་པོ་དང་དགེ་བའི་བཤེས་གཉེན་ལ་བརྟེན་པ་རྣམ་པ་ལྔས་གཟུགས་ལ་དགེ་བའི་བཤེས་གཉེན
184b4 ལ་བརྟེན་པར་བྱའོ། །རབ་འབྱོར། བྱང་ཆུབ་སེམས་དཔའ་དགེ་བའི་བཤེས་གཉེན་ལ་བརྟེན་པ་དང་ལྡན་པས་མཉན་པས་བསྟེན་པ་དང་། བསྙེན་བཀུར་བྱ་བ་དང་ཡོངས་སུ་སྤྱད་པ་དང་བསླབ
184b5 པའི་ཆོ་ག་བཞིན་དུ་བསྟེན་པ་དང་། ནན་ཏན་གྱིས་མགུ་བར་བྱ་བས་བསྟེན་པ་དང་། བསྟེན་པ་དང་། བསྟེན་པ་ཆེན་པོ་དང་དགེ་བའི་བཤེས་གཉེན་ལ་བརྟེན་པ་རྣམ་པ་ལྔས་ཚོར་བ་དང་།
184b6 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་དགེ་བའི་བཤེས་གཉེན་ལ་བརྟེན་པར་བྱའོ། །དེ་ལྟར་དགེ་བའི་བཤེས་གཉེན་ལ་བརྟེན་པའི་བྱང་ཆུབ་སེམས་དཔའ་ནི།
184b7 རྣམ་པར་ཐར་པའི་ཐབས་ཀྱང་ཡོངས་སུ་འཛིན་ཅིང་། བསོད་ནམས་མང་པོ་ཡང་རབ་ཏུ་བསྐྱེད་དེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་ངེས་པར་འབྱུང་ངོ་། །
iiif viewer powered by OpenSeadragon
