| e-texts navigator |
| Wylie |
169b1 རབ་འབྱོར། བྱང་ཆུབ་སེམས་དཔའ་གཟུགས་ལ་སྒྲ་ཇི་བཞིན་དུ་མངོན་པར་ཞེན་ཏེ་ཐ་སྙད་དུ་ཀུན་ཏུ་སྤྱོད་ན་འཇིག་ཚོགས་ལ་ལྟ་བར་ཀུན་ཏུ་སྤྱོད་པ་ཡིན། ཡང་འབྱུང་བའི་སྲེད་པ་ལ་ཀུན་ཏུ
169b2 སྤྱོད་པ་ཡིན། འཇིག་པ་ཡོངས་སུ་ཚོལ་བར་ཀུན་ཏུ་སྤྱོད་པ་ཡིན་ཏེ། གཟུགས་ཡོངས་སུ་མི་ཤེས་པའི་རྟགས་ཡིན་ནོ། །དེ་བཞིན་དུ་བྱང་ཆུབ་སེམས་དཔའ་ཚོར་བ་དང་། འདུ་ཤེས་དང་། འདུ་བྱེད
169b3 རྣམས་དང་། རྣམ་པར་ཤེས་པ་ལ་སྒྲ་ཇི་བཞིན་དུ་མངོན་པར་ཞེན་ཏེ་ཐ་སྙད་དུ་ཀུན་ཏུ་སྤྱོད་ན། འཇིག་ཚོགས་ལ་ལྟ་བར་ཀུན་ཏུ་སྤྱོད་པ་ཡིན། ཡང་འབྱུང་བའི་སྲེད་པ་ལ་ཀུན་ཏུ་སྤྱོད་པ་ཡིན།
169b4 འཇིག་པ་ཡོངས་སུ་ཚོལ་བར་ཀུན་ཏུ་སྤྱོད་པ་ཡིན་ཏེ། རྣམ་པར་ཤེས་པ་ཡོངས་སུ་མི་ཤེས་པའི་རྟགས་ཡིན་ནོ། །རབ་འབྱོར། བྱང་ཆུབ་སེམས་དཔའ་གཟུགས་ལ་སྒྲ་ཇི་བཞིན་དུ་མངོན་པར་ཞེན
169b5 ཏེ་ཐ་སྙད་དུ་ཀུན་ཏུ་མི་སྤྱོད་ན། འཇིག་ཚོགས་ལ་ལྟ་བར་ཀུན་ཏུ་སྤྱོད་པ་མ་ཡིན། ཡང་འབྱུང་བའི་སྲེད་པ་ལ་ཀུན་ཏུ་སྤྱོད་པ་མ་ཡིན། འཇིག་པ་ཡོངས་སུ་ཚོལ་བར་ཀུན་ཏུ་སྤྱོད་པ་མ་ཡིན་ཏེ།
169b6 གཟུགས་ཡོངས་སུ་ཤེས་པའི་རྟགས་ཡིན་ནོ། །རབ་འབྱོར། བྱང་ཆུབ་སེམས་དཔའ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྒྲ་ཇི་བཞིན་དུ་མངོན་པར་ཞེན
169b7 ཏེ་ཐ་སྙད་དུ་ཀུན་ཏུ་མི་སྤྱོད་ན། འཇིག་ཚོགས་ལ་ལྟ་བར་ཀུན་ཏུ་སྤྱོད་པ་མ་ཡིན། ཡང་འབྱུང་བའི་སྲེད་པ་ལ་ཀུན་ཏུ་སྤྱོད་པ་མ་ཡིན། འཇིག་པ་ཡོངས་སུ་ཚོལ་བར་ཀུན་ཏུ་སྤྱོད་པ་མ་ཡིན་ཏེ། རྣམ
iiif viewer powered by OpenSeadragon
