| e-texts navigator |
| Wylie |
169a1 ཐམས་ཅད་མི་དམིགས་པ་དེ། གཟུགས་ལ་ཐམས་ཅད་དམིགས་སོ། །གང་གཟུགས་ལ་ཐམས་ཅད་དམིགས་པ་ན། ཐམས་ཅད་མི་དམིགས་པ་དེའི་དམིགས་པ་དེ
169a2 ཡོངས་སུ་གྲུབ་པ་ཡིན་ནོ། །དེ་མི་དམིགས་པ་དེ་ལ་གནས་ན། ཐེག་པ་ཆེན་པོས་ཀྱང་ངེས་པར་འབྱུང་བར་འགྱུར་ན། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་ལྟ་སྨོས་ཀྱང་ཅི
169a3 དགོས|་རབ་འབྱོར། གང་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་དག་པ་མ་ཡིན་པ་ཀུན་ཏུ་བཏགས་པ་ཙམ་དང་། འཁྲུལ་པ་ཙམ་དུ་ཡང་དག་པར
169a4 རྗེས་སུ་མཐོང་བ་དེ། རྣམ་པར་ཤེས་པ་ལ་རྣམ་པ་ཤེས་པར་མི་དམིགས་སོ། །གང་རྣམ་པར་ཤེས་པ་ལ་རྣམ་པར་ཤེས་པར་མི་དམིགས་པ་དེ། རྣམ་པར་ཤེས་པ་ལ་རྣམ་པར་ཤེས་པར
169a5 ལྟ་བར་མི་དམིགས་སོ། །གང་རྣམ་པར་ཤེས་པ་ལ་རྣམ་པར་ཤེས་པར་ལྟ་བར་མི་དམིགས་པ་དེ། རྣམ་པར་ཤེས་པ་ལ་ཐམས་ཅད་མི་དམིགས་སོ། །གང་རྣམ་པར་ཤེས་པ་ལ་ཐམས
169a6 ཅད་མི་དམིགས་པ་དེ། རྣམ་པར་ཤེས་པ་ལ་ཐམས་ཅད་དམིགས་སོ། །གང་རྣམ་པར་ཤེས་པ་ལ་ཐམས་ཅད་མི་དམིགས་པ་ན། ཐམས་ཅད་དམིགས་པ་དེའི་མི་དམིགས་པ་དེ་ཡོངས་སུ
169a7 གྲུབ་པ་ཡིན་ནོ། །དེ་དམིགས་པ་དེ་ལ་གནས་ན། ཐེག་པ་ཆེན་པོས་ཀྱང་ངེས་པར་འབྱུང་བར་འགྱུར་ན། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་ལྟ་སྨོས་ཀྱང་ཅི་དགོས།
iiif viewer powered by OpenSeadragon
