| e-texts navigator |
| Wylie |
165b1 སྨྲ་ན། དེ་ནི། ཕྱི་རོལ་པས་ཀྱང་ཕྱི་རོལ་སོ་སོའི་སྐྱེ་བོའི་ཕྱོགས་ལ་གནས་པ་སྟེ། ལོག་པར་ལྟ་བའོ། །ཞེས་ང་སྨྲའོ། །རབ་འབྱོར། དེ་གང་ཡང་གཟུགས་ནི། སྡུག་བསྔལ་བ་སྟེ། རབ་ཏུ་མ་ཞི་བའོ། །
165b2 གཟུགས་འགོག་པ་ནི། བདེ་བ་དང་། ཞི་བའོ། །ཞེས་དེ་སྐད་སྨྲ་ན། དེ་ནི། ཕྱི་རོལ་པས་ཀྱང་ཕྱི་རོལ་ཞེས་བྱ་བ་ནས་ལོག་པར་ལྟ་བའི་བར་དུའོ། །ཞེས་ང་སྨྲའོ། །རབ་འབྱོར། གང་ཡང་ཚོར་བ་དང་།
165b3 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། སྡུག་བསྔལ་བ་སྟེ། རབ་ཏུ་མ་ཞི་བའོ། །རྣམ་པར་ཤེས་པ་འགོག་པ་ནི། བདེ་བ་དང་། ཞི་བའོ། །ཞེས་དེ་སྐད་སྨྲ་ན། དེ་ནི། ཕྱི་རོལ་བས
165b4 ཀྱང་ཕྱི་རོལ་ཞེས་བྱ་བ་ནས་ལོག་པར་ལྟ་བའི་བར་དུ་ཞེས་ང་སྨྲའོ། །རབ་འབྱོར། གང་ཡང་གཟུགས་ནི། མེད་པ་ཉིད་དོ། །ཞེས་དེ་སྐད་སྨྲ་ན། དེ་ནི། ཕྱི་རོལ་པས་ཀྱང་ཕྱི་རོལ་སོ་སོའི་སྐྱེ་བོའི་ཕྱོགས་ལ
165b5 གནས་པ་སྟེ། ལོག་པར་ལྟ་བའོ། །ཞེས་ང་སྨྲའོ། །རབ་འབྱོར། གང་ཡང་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། མེད་པ་ཉིད་དོ། །ཞེས་དེ་སྐད་སྨྲ་ན། དེ་ནི། ཕྱི་རོལ
165b6 པས་ཀྱང་ཕྱི་རོལ་སོ་སོའི་སྐྱེ་བོའི་ཕྱོགས་ལ་གནས་པ་སྟེ། ལོག་པར་ལྟ་བའོ། །ཞེས་ང་སྨྲའོ། །རབ་འབྱོར། གང་ཡང་བཅོམ་ལྡན་འདས་ཀྱིས་གཟུགས་རང་བཞིན་མེད་པ་དང་། སྐྱེ་བ་མེད་པ་དང་།
165b7 འགག་པ་མེད་པ་དང་། གདོད་མ་ནས་ཞི་བ་དང་། རང་བཞིན་གྱིས་ཡོངས་སུ་མྱ་ངན་ལས་འདས་པར་བསྟན་པ་གང་ཡིན་པའི་བསྟན་པ་དེ་ཐམས་ཅད་ནི། ལྡེམ་པོར་དགོངས་པ་མ་ཡིན་པ། དགོངས
iiif viewer powered by OpenSeadragon
