| e-texts navigator |
| Wylie |
160b1 པའི་རིགས་ཀྱི་བུའམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་དངོས་པོ་མེད་པའི་བར་གྱི་ཚུལ་གྱིས་བསླབ་པར་བྱའོ། །སེམས་ཅན་ཐམས་ཅད་ནི། བྱང་ཆུབ་ཀྱི་ཕྱིར་སྤྱོད་པ
160b2 སྟེ|་གང་བྱང་ཆུབ་ཀྱི་ཕྱིར་མི་སྤྱོད་པའི་སེམས་ཅན་དེ་གང་ཡང་མེད་དོ། །ཞེས་ན་ཡང་དེ་ལ་ཞུམ་པ་མེད་པར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད
160b3 ལ་དངོས་པོ་མེད་པའི་བར་གྱི་ཚུལ་གྱིས་བསླབ་པར་བྱའོ། །དེ་ཅིའི་ཕྱིར་ཞེ་ན། འདི་ལྟར། ཆོས་ཐམས་ཅད་ནི། བྱང་ཆུབ་དང་མཉམ་པའོ། །ཇི་ལྟར་ཆོས་ཐམས་ཅད་བྱང་ཆུབ་དང་མཉམ་པ་དང་།
160b4 བྱང་ཆུབ་ཇི་ལྟ་བར་སེམས་ཅན་ཐམས་ཅད་ཀྱང་དེ་བཞིན་ནོ། །སེམས་ཅན་ཐམས་ཅད་ཇི་འདྲ་བར་སྤྱོད་པ་དེ་ཡང་དེ་བཞིན་ནོ། །མེད་པའི་ཕྱིར་སྤྱོད་པ་ཐམས་ཅད་ནི། སྤྱོད་པ་མེད་པའོ། །དེ་ཡང་བྱང
160b5 ཆུབ་གང་ཡིན་པ་དེ་སྐྱེ་བ་མེད་པའང་དེ་ཡིན། འབྱུང་བ་མེད་པ་ཡང་དེ་ཡིན་ཏེ། དེ་ལྟ་བུའི་ཆོས་འདི་ལ་ཞུམ་པ་མེད་པར་འདོད་པའི་རིགས་ཀྱི་བུའམ། རིགས་ཀྱི་བུ་མོས་ཀྱང་ཤེས་རབ་ཀྱི་ཕ་རོལ་ཏུ་ཕྱིན
160b6 པ་འདི་ཉིད་ལ་དངོས་པོ་མེད་པ་དང་། སྐྱེ་བ་མེད་པའི་བར་གྱི་ཚུལ་གྱིས་བསླབ་པར་བྱའོ། །ཞེས་གྱིས་ཤིག་།འཇམ་དཔལ། གང་དེ་བཞིན་གཤེགས་པའི་རྣམ་པར་འཕྲུལ་པ་ནས་དེ་བཞིན་གཤེགས
160b7 པའི་རྣམ་པར་རོལ་བའི་བར་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་བསྟན་ཏོ། །དེ་ཅིའི་ཕྱིར་ཞེ་ན། དེ་ནི། བསྟན་དུ་མེད་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། མི་སྟོན་པའི་ཕྱིར
iiif viewer powered by OpenSeadragon
