| e-texts navigator |
| Wylie |
126a1 འབྱུང་བ་དང་། ཁྱོད་མི་དམིགས་པའི་ཚུལ་དང་། དངོས་པོ་མེད་པའི་ཚུལ་དང་། སྒྱིད་ལུག་པ་མེད་པའི་ཚུལ་གྱིས་སེམས་ཅན་ཐམས་ཅད་ཀྱི་ཆེད་དུ་གོ་ཆ་བགོས་པ་དེ་ནི།
126a2 ཁྱོད་དཀའ་བ་བྱེད་པའོ། །དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་ར་དྭ་ཏིའི་བུ། ཇི་སྐད་སྨྲས་པ་དེ་དེ
126a3 བཞིན་ཏེ། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བའི་ཕྱིར་གོ་ཆ་འདི་ཡང་བགོས་ཏེ། བདག་ལ་སེམས་ཅན་དུ་དམིགས་པ་དང་། སེམས་ཅན་ལ་མངོན་པར་ཞེན་པ་གང་ཡང
126a4 མེད་དོ|་|བཙུན་པ་ཤཱ་ར་དྭ་ཏིའི་བུ། གོ་ཆ་དེ་ནི། ཇི་ལྟར་བདག་གིས་སེམས་ཅན་གྱི་ཁམས་དབྲི་བའམ་གང་བར་བྱ་ཞེས་དེ་ལྟར་མ་བགོས་སོ། །བཙུན་པ་ཤཱ་ར་དྭ་ཏིའི་བུ། ཡོངས་སུ་བརྟག་པ
126a5 ཉེ་བར་བཟུང་སྟེ། གལ་ཏེ་སངས་རྒྱས་ཀྱི་ཞིང་རེ་རེ་ན་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་རྣམས་བཞུགས་ཏེ། དེ་བཞིན་གཤེགས་པ་དེ་དག་སོ་སོ་ནས་ཉིན་མཚན་དུ
126a6 ཆོས་སྟོན་ཏེ། གངྒཱའི་ཀླུང་གི་བྱེ་མ་སྙེད་ཀྱི་བསྐལ་པར་བཞུགས་པར་གྱུར་ལ། གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་རྣམས་ཀྱི་ཆོས་བསྟན་པ་རེ་རེས་སེམས་ཅན་ཇི་སྙེད
126a7 བཏུལ་བ་དེ་སྙེད་ཀྱི་སེམས་ཅན་དེ་བཞིན་གཤེགས་པ་རེ་རེས་ཆོས་བསྟན་པ་རེ་རེས་བཏུལ་བར་གྱུར་དུ་ཟིན་ཀྱང་སེམས་ཅན་གྱི་ཁམས་ལ་བྲི་བའམ་གང་པར་མངོན་པ་མེད་དོ། །དེ་ཅིའི་ཕྱིར་ཞེ
iiif viewer powered by OpenSeadragon
