| e-texts navigator |
| Wylie |
125b1 ཏུ་ཕྱེ་བ་ཡང་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི། ཀུན་ནས་ཉོན་མོངས་པར་འགྱུར་བ་མ་ལགས། རྣམ་པར་བྱང་བར་འགྱུར་བ་མ་ལགས་ཏེ། དེ་ལྟར
125b2 དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི། མི་སྐྱེ་མི་འགག་པ་སྟེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་ལྟར་དེ་བཞིན་གཤེགས་པ་མཐོང་བ་དང་། ཕྱག་བགྱིས་པ་དང་།
125b3 བསྙེན་བཀུར་བགྱིས་པར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ། ཁྱོད་ཀྱིས་དེ་ལྟར་བལྟས
125b4 ན|་ཅི་ཞིག་མཐོང་། འཇམ་དཔལ་གྱིས་གསོལ་པ། བཅོམ་ལྡན་འདས། བདག་གིས་དེ་ལྟར་བལྟས་ན། ཅི་ཡང་མཐོང་བ་མ་མཆིས་སོ། །བཅོམ་ལྡན་འདས། དེ་བཞིན་དུ་བདག་གིས་ཆོས་གང
125b5 ཡང་སྐྱེ་བ་ཡང་མ་མཐོང་། འགག་པ་ཡང་མ་མཐོང་ངོ་། །དེ་ནས་ཚེ་དང་ལྡན་པ་ཤཱ་ར་ར་དྭ་ཏིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ། ཁྱོད་ཀྱིས་དེ་བཞིན
125b6 གཤེགས་པ་ལ་དེ་ལྟར་མཐོང་བ་དང་། དེ་ལྟར་བསྙེན་བཀུར་བྱས་པ་གང་ཡིན་པ་དང་། ཁྱོད་ཀྱིས་བྱམས་པ་ཆེན་པོ་སེམས་ཅན་ཐམས་ཅད་ལ་ཉེ་བར་གནས་ཀྱང་ཁྱོད་ལ་སེམས་ཅན་དུ་དམིགས
125b7 པ་དང་། སེམས་ཅན་དུ་མངོན་པར་ཞེན་པ་ཅི་ཡང་མེད་ཅིང་། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བའི་ཕྱིར་ཞུགས་ཀྱང་ཁྱོད་ལ་སེམས་ཅན་དུ་མངོན་པར་ཞེན་པ་གང་ཡང་མི
iiif viewer powered by OpenSeadragon
