| e-texts navigator |
| Wylie |
125a1 བགྱིད་པ་དང་། ཇི་ལྟར་བདག་བསྙེན་བཀུར་བགྱིད་པ་དེ་ལྟར་བལྟ་བར་བགྱིའོ། །དེ་ལྟར་ཕྱག་བགྱིའོ། །དེ་ལྟར་བསྙེན་བཀུར་བགྱིའོ། །དེ་ལྟར་ན། དེ་བཞིན་གཤེགས་པ་མཐོང
125a2 བ་ནས་བསྙེན་བཀུར་བགྱིས་པའི་བར་དུ་འགྱུར་རོ། །བཅོམ་ལྡན་འདས། བདག་ནི། སེམས་ཅན་ཐམས་ཅད་ཀྱི་སླད་དུ་དེ་བཞིན་གཤེགས་པ་ལ་བལྟ་བ་ལགས་སོ། །བཅོམ་ལྡན་འདས་ཀྱིས་བཀའ
125a3 སྩལ་པ། འཇམ་དཔལ། དེ་བཞིན་གཤེགས་པ་ལ་ཇི་ལྟར་བལྟ། འཇམ་དཔལ་གྱིས་གསོལ་པ། མི་དམིགས་པའི་ཚུལ་གྱིས་དེ་བཞིན་ཉིད་ཀྱི་རྣམ་པ་དང་། རྣམ་པར་མི་རྟོག་པའི་རྣམ་པར
125a4 དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་གཤེགས་པ་ལ་མི་སྐྱེ་བའི་རྣམ་པར་བལྟ་བ་ནས་དངོས་པོ་མ་མཆིས་པའི་རྣམ་པའི་བར་དུ་དེ་བཞིན་གཤེགས་པ་ལ་བལྟ་བར་བགྱིའོ། །དེ
125a5 བཞིན་ཉིད་ལ་ཀུན་ནས་འབྱུང་བ་མ་ཡིན་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི། འབྱུང་བའང་མ་ལགས། འཇིག་པའང་མ་ལགས་ཏེ། དེ་ལྟར་དེ་བཞིན
125a6 གཤེགས་པ་ལ་བལྟ་བར་བགྱིའོ། །དེ་བཞིན་ནི། ཡུལ་ན་མི་གནས། ཕྱོགས་ན་མི་གནས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི། འདས་མ་ལགས། མ
125a7 འོངས་པ་མ་ལགས། ད་ལྟར་བྱུང་བ་མ་ལགས་ཏེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ། །དེ་བཞིན་ཉིད་ནི། གཉིས་ཀྱིས་རབ་ཏུ་སྐྱེ་བ་མ་ལགས། གཉིས་སུ་མ་མཆིས་པས་རབ
iiif viewer powered by OpenSeadragon
