| e-texts navigator |
| Wylie |
124a1 སྟེ་དེ་བཞིན་གཤེགས་པའི་ཕོ་བྲང་གི་སྒོ་ག་ལ་བ་དེར་སོང་ནས་ཕྱིན་པ་དང་། ཕོ་བྲང་གི་སྒོའི་ཕྱི་རོལ་ཏུ་འདུག་གོ་།དེ་ནས་ཚེ་དང་ལྡན་པ་ཤཱ་རདྭ་ཏིའི་བུ་ཡང་བཅོམ་ལྡན་འདས
124a2 ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བའི་ཕྱིར་རང་གི་གནས་ནས་བྱུང་སྟེ་དེ་བཞིན་གཤེགས་པའི་ཕོ་བྲང་ག་ལ་བ་དེར་སོང་ངོ་། །དེ་ནས་ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན
124a3 པ་མཽ་དགལ་གྱི་བུ་ཆེན་པོ་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ཀ་ཏྱཱ་ཡའི་བུ་ཆེན་པོ་དང་། ཚེ་དང་ལྡན་པ་གསུས་པོ་ཆེ་དང་། དེ་དག་ཐམས་ཅད་དང་། གཞན་ཡང་ཉན་ཐོས་ཆེན
124a4 པོ་རྣམས་རང་རང་གི་གནས་ནས་བྱུང་སྟེ་བཅོམ་ལྡན་འདས་ཀྱི་ཕོ་བྲང་ག་ལ་བ་དེར་སོང་ནས་ཕྱིན་པ་དང་། ཕྱོགས་གཅིག་ཏུ་འཁོད་དོ|་།དེ་ནས་བཅོམ་ལྡན་འདས་ཀྱིས་ཉན་ཐོས་ཆེན་པོ་རྣམས་འོངས་ཤིང
124a5 ལྷགས་ཏེ་འདུས་པར་མཁྱེན་ནས་བདག་གི་ཕོ་བྲང་ནས་བྱུང་སྟེ་ཕོ་བྲང་གི་ཕྱི་རོལ་གྱི་ཕྱོགས་གཅིག་ཏུ་གདན་བཏིང་བ་ལ་བཞུགས་སོ། །བཞུགས་ནས་ཀྱང་བཅོམ་ལྡན་འདས་ཀྱིས་མཁྱེན་བཞིན་དུ
124a6 ཚེ་དང་ལྡན་པ་ཤཱ་རདྭ་ཏིའི་བུ་ལ་བཀའ་སྩལ་པ། ཤཱ་རདྭ་ཏིའི་བུ། ཁྱོད་ཅིའི་ཕྱིར་ཞོགས་པས་འོངས་ཏེ་དེ་བཞིན་གཤེགས་པའི་ཕོ་བྲང་གི་སྒོ་ན་འདུག་།དེ་སྐད་ཅེས་བཀའ་སྩལ་པ་དང་། བཅོམ
124a7 ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཐམས་ཅད་ཀྱི་ཐོག་མ་ཉིད་དུ་འཇམ་དཔལ་གཞོན་ནུར་གྱུར་པ་དེ་བཞིན་གཤེགས་པའི་ཕོ་བྲང་གི་ཆབ
iiif viewer powered by OpenSeadragon
