| e-texts navigator |
| Wylie |
379a1 པ་གཞན་དག་ཀྱང་མཆིས་ན། དེ་དག་གི་པགས་པའི་ལྷམ་ཡང་བཅང་བར་མི་བགྱིའམ། ཨུ་པ་ལི། ལྷམ་དེ་དག་ཀྱང་མ་འཆང་ཞིག་།བཙུན་པ། བཅོམ་ལྡན་འདས་ཀྱིས
379a2 ཁྱིམ་པས་བགོས་པའི་ལྷམ་དམན་མ་བོར་བ་ཆོངས་ཤིག་། ཅེས་གསུངས་ན། བཙུན་པ། དགེ་སློང་ཁྱིམ་པས་བོར་བའི་ལྷམ་དམན་མ་བཅངས་ཀྱང་ནོངས་པ་དང་བཅས་པར་འགྱུར་བ་མཆིས་སམ།
379a3 ཨུ་པ་ལི། ཡོད་དེ། །འདི་ལྟར་ཡང་དགེ་སློང་དེས་ཐམས་ཅད་རི་མོ་ཅན་ནམ། གསེར་གྱིས་བརྒྱན་པའམ། དངུལ་གྱིས་བརྒྱན་པ་བཅངས་པའོ། །བཙུན་པ། དགེ་སློང་གིས་མི་རུང་བ་རྣམ་པ་ལྔ་བཅངས
379a4 ཀྱང་ནོངས་པར་མི་འགྱུར་བ་མཆིས་སམ། ཨུ་པ་ལི། ཡོད་དེ། འདི་ལྟར་ཡང་དེས་རི་དྭགས་ཕྲ་མོའམ། ཀླུས་འཇིག་པར་གྱུར་ནའོ། །བཙུན་པ། བཅོམ་ལྡན་འདས་ཀྱིས་དགེ་སློང་གིས་པགས་པ་མ
379a5 འཆང་ཞིག་། པགས་པའི་སྟེང་དུ་མ་འདུག་ཅིག་།ཅེས་གསུངས་ན། བཙུན་པ། ཇི་ཙམ་གྱིས་པགས་པའི་སྟེང་དུ་འདུག་པ་ཞེས་བགྱི། ཨུ་པ་ལི། ཇི་ཙམ་རྐུབ་ཚོས་བཞག་པར་གྱུར་པའོ། །བཙུན་པ
379a6 ཇི་ཙམ་གྱིས་ན། ཉལ་བ་ཞེས་བགྱི། ཨུ་པ་ལི། ལུས་ཀྱིས་འཕྲེས་པའོ། །བཙུན་པ། བཅོམ་ལྡན་འདས་ཀྱིས་དགེ་སློང་གིས་པགས་པ་མ་འཆང་ཞིག་།ཅེས་གསུངས་ན། བཙུན་པ། དགེ་སློང
379a7 གིས་པགས་པ་བཅངས་ཀྱང་ནོངས་པར་མི་འགྱུར་བ་མཆིས་སམ། ཨུ་པ་ལི། ཡོད་དེ། ནད་པས་ནི། པགས་པ་ཆོངས་ཤིག་།མི་ན་བས་ནི། མ་ཡིན་ནོ། །བཙུན་པ། བཅོམ་ལྡན་འདས་ཀྱིས
iiif viewer powered by OpenSeadragon
