| e-texts navigator |
| Wylie |
3a1 ལྷའི་རླུང་@#པོ་རྣམ་ཐོས་སྲས་ཀྱིས།། ལམ་རྣམ་པ་ལྔའི་ཚུལ་གྱིས་བསྟོད་པ།། དམ་པ་རྣམས་ཀྱི་བགྲོད་པའི་ཁྱད་པར་ནི།། ཚོགས་ཀྱིས་རབ་ཆེར་སྦྱངས་དོན་དམ།
3a2 མཐོང་བ་ཡིན།། གཉེན་པོ་ཡེ་ཤེས་རིམས་པར་སྒོམ་པ་ཡིས།། མཐར་ཕྱིན་པ་ལ་གཤེགས་པའི་དོན་མཆོག་ལགས།། དྲི་བས་ལྷ་མོ་ཁྱེད་ཀྱི་མཚན་ཉིད་ནི།། འདི་ལྟར་རབ
3a3 ལྡན་ཁྱོད་ཀྱི་ཁྱད་པར་ནི།། དང་པོའི་ཚོགས་ལ་ཡང་དག་རབ་རྩེགས་པས།། དང་པོ་ལས་ལ་སྦྱོར་བའི་ཏིང་འཛིན་བསྙེས།། རབ་ཏུ་དགའ་བའི་ས་ལ་དོན་དམ་ནི།།
3a4 རྣམ་པར་མི་རྟོག་སྐྱེ་མེད་ཚུལ་གྱི་གནས།། དཔལ་ལྡན་བྱང་ཆུབ་སེམས་དཔའི་ཁྱད་པར་ནི།། རང་སེམས་ས་གཉིས་དག་པར་རབ་བསྟན་ནས།། དེ་བཞིན་ས་གསུམ
3a5 དག་པའི་ཕ་རོལ་སོན།། རང་སེམས་བཞི་པའི་ས་ལ་ཆེར་སྒོམ་པས།། ལྔ་པའི་ས་ལ་བསྟན་ནམ་ཕ་རོལ་སོན།། རང་སེམས་དྲུག་པའི་ས་ལ་ཆེར་སྦྱངས་པ།། བདུན་པ་ལ་ནི
3a6 ཐབས་ཀྱི་ཕ་རོལ་སོན།། རང་སེམས་བརྒྱད་པ་ཉིད་ལ་ཆེར་བསྒོམ་པས།། དཔལ་ལྡན་ལྷ་མོ་སྨོན་ལམ་ཉིད།། དགུ་པ་ལ་ཡང་སྟོབས་ཀྱིས་ཡོན་ཏན་བསྒྲུབ།། དེའི
3a7 སྟོབས་ཀྱི་ཡེ་ཤེས་འབེན་པར་འགྱུར།། འདི་དག་རྣམ་པར་བརྗོད་པར་བྱས་ནས་ནི།། སངས་རྒྱས་ལ་སྨིན་པའི་སྔོན་ལམ་ཅན།། ས་བརྒྱད་ནོན་པས་བཞོན་ནུའི་ནུལ
3a8 འཆང་མ།། འགྲོ་བ་འདུལ་ཕྱིར་དྲག་མེའི་སྐུར་སྟོན་ཅིང་།། གདུག་པ་འདུལ་མཛད་ཁྱོད་ལ་ཕྱག་འཚལ་བསྟོད།། བདག་ཀྱང་ཁྱོད་ཀྱི་ལམ་ལྟར་མྱུར་འགྲུབ་ཤོག།
iiif viewer powered by OpenSeadragon
