| e-texts navigator |
| Wylie |
241a1 སྣ་ཚོགས་འཕྲོ་བ་དང་།། ཀུན་ནས་ལྷུན་གྱི་གྲུབ་པ་དང་།། དགེས་པའི་སྐུ་དང་གསུང་དང་ཐུགས།། ཨོཾ་ཕྱོག་བཅུ་ཡི་ནི་འཇིག་རྟེན་ཁམས།། སྐྱེ་བོའི་དོན་ཉིད
241a2 རྡུལ་བྱི་བ་སྙེད།། རྡུལ་བལྟའི་སྤྲུལ་པ་དང་བཅས་པ།། སྐ་ཅིག་ཙམ་ལ་བསམ་མི་ཁྱབ།། ལྷན་གྱི་གྲུབ་པས་ཀུན་རྟོགས་ཧོ།། དགྱེས་པས་སྙན་པས་གླུ་བླངས།། ཨོཾ་སྐུ་གསུང་ཐུགས་ནི་མ་ལུས་ཀུན།
241a3 བདག་ཉིད་ཆེན་པོ་སྐུ་གསུང་ཐུགས།། སྐུ་གསུང་ཐུགས་ཀྱི་ཀུན་ཏུ་ཁྱབ།། སྐུ་དང་གསུང་ཐུགས་ཐིག་ལེ་ཧོ།། དེ་བཞིན་དེ་ཉིད་དེ་ཁོ་ན།། དགྱེས་ཤིང་མཉེས་པས་བརྗོད་པའོ།། ཞེས་པ་དཔལ་གསང་བའི
241a4 སྙིང་པོ་དེ་ཁོ་ན་ཉིད་རྣམ་པར་ངེས་པའི་རྒྱུད་ཆེན་པོ་ལས།། གླུས་མཉེས་པ་གཏན་ལ་ཕབ་པ་ཞེས་བྱ་བའི་ལེའུ་སྟེ། བཅུ་བཞི་པའོ།། ། དེ་ནས་བཅོམ་ལྡན་འདས་དེ་བཞིན
241a5 གཤེགས་པ་ཐམས་ཅད་ཀྱི་བདག་པོ།། སངས་རྒྱས་ཐམས་ཅད་ཀྱི་རང་བཞིན་རང་བཞིན་གྱི་ཁྲོ་བོའི་དཀྱིལ་འཁོར་མངོན་པར་སྤྲུལ་ཏེ།། དེ་ཅིའི་ཕྱིར་ཞེ་ན།། རྟག་ཏུ་རྨོངས་པའི་རྟོག་པ་དང་།
241a6 ཡང་དག་པའི་ལམ་དང་བྲལ་བ།། སྦས་པའི་གསང་བ་རྣམ་པར་ཤེས་པ་མེད་པ་དང་།། སྦས་པ་མེད་པ་ལ་མངོན་པར་དགའ་བའི་བདག་ཉིད་དང་།། འབྲས་བུ་དང་རྒྱུ་ལ་རྣམ་པར་རྨོངས་པ་རྣམ
iiif viewer powered by OpenSeadragon
