| e-texts navigator |
| Wylie |
233b1 ཁྱུང་ཆེ།། སངས་རྒྱས་དམ་ཚིག་ཀུན་འགྲུབ་འགྱུར།། ས་ཕྱོགས་ཕྱག་རྒྱ་བྱས་ནས་ནི།། རྣམ་གྲོལ་རིམ་པར་ཐོབ་པར་འགྱུར།། དག་པའི་ཡེ་ཤེས་ཀུན་དག་ཅད།། སྨོས་ཅི་དགོས་ཏེ་དེ་ཉིད་ཡིན།།
233b2 ཕྱོགས་དུས་དཀྱིལ་འཁོར་ཐམས་ཅད་ཀྱི།། སངས་རྒྱས་ཀུན་གྱི་བདག་ཉིད་ཆེ།། གང་ཞིག་དམིགས་པ་མེད་མ་ཡིས།། ཐུགས་ཀྱི་དཀྱིལ་འཁོར་ཀུན་དཀྱིལ་འཁོར།། རང་སྣང་གཉིས་མེད་དགུག
233b3 བྱས་ནས།། དཀྱིལ་འཁོར་དུ་ནི་བསྒྱུར་བར་བྱ།། མཚན་ཉིད་ཐམས་ཅད་ཡང་དག་ལྡན།། ཕྱོགས་དུས་ཀུན་ནས་བྱོན་པ་དང་།། དཀྱིལ་འཁོར་ཐམས་ཅད་ཡང་ག་རྫོགས།། གསལ་བར་གྱུར་པའི་དམ་ཚིག་མཆོག།
233b4 ཡིད་བཞིན་ནོར་བུ་དཔགས་བསམ་ཤིང་།། བྱུང་བ་དེ་ཀུན་དངོས་པོར་མིན།། དེ་ལྟར་བསོད་ནམས་རང་སེམས་ལ།། སོ་སོའི་ཆོ་འཕྲུལ་ངོ་མཚར་ཆེ།། ཤེས་རབ་ཐབས་ཀྱིས་དེ་ཉིད་བརྟན།། འདི་ཉིད
233b5 ཚུལ་གྱི་རང་བཞིན་གྱིས།། ཤེས་རབ་དཔྱིད་ནི་དེ་ཉིད་བདག། ཐབས་ཀྱི་ཕྱག་རྒྱའི་དངོས་པོ་ཡིས།། བརྩེ་དང་ཡེ་ཤེས་སྟོང་པ་ཉིད།། ཡེ་ཤེས་ལ་ནི་ཡེ་ཤེས་རོལ།། རྒྱལ་བ་མངོན་འབྱུང་སྐྱོབ་པ་ཉིད།།
233b6 བྱི་རླབས་མཐོང་བའང་དེ་བཞིན་ཏེ།། བྱ་དང་བྱེད་པའི་གཟི་བྱིན་ཉིད།། སྒྱུ་འཕྲུལ་རྡོ་རྗེ་མཆོད་སྟོབས་ཅན།། ཆོ་ག་ལྔ་པོ་བསྒྲུབ་པ་དང་།། ཡོ་བྱེད་ལྔ་དང་ཡང་དག་ལྡན།། གསང་སྔགས་ཡན
iiif viewer powered by OpenSeadragon
