| e-texts navigator |
| Wylie |
225b1 བ་རང་ཉིད་གཟིགས་མོ་མཛད་པའི་ཚུལ་གྱིས་ངེས་པར་དགྱེས་པ་དང་མཉེས་པ་ཐམས་ཅད་རབ་ཏུ་ཐོབ་པར་འགྱུར་ཏོ།། ཞེས་པ་དཔལ་གསང་བའི་སྙིང་པོ་དེ་ཁོ་ན་ཉིད་རྣམ་པར་ངེས་པའི་རྒྱུད་ཆེན་པོ་ལས།
225b2 སྒྱུ་འཕྲུལ་སྒྲུབ་པའི་ལེའུ་སྟེ། ལྔ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རང་བཞིན་གཅིག་དང་དུ་མ་མེད་པའི་བདག་ཉིད་ཀྱིས་འཇིག་རྟེན་དྲུག་གི་ཕྱོགས་བཅུ
225b3 ཐམས་ཅད་ལ། བདག་ཉིད་ཆེན་པོ་ཉིད་ཀྱིས་དཀྱིལ་འཁོར་རྣམ་པར་སྤྲོ་བར་གཟིགས་ཏེ། མངོན་པར་དགེས་ནས་ཆེད་དུ་བརྗོད་པ་འདི་བརྗོད་པ།། ཕྱོགས་བཞི་དབུས་དང་གནས་འདི་རྣམ།། བྱང་ཞིང་མཁས
225b4 བས་རྣམ་པར་སྤད།། བསམ་མི་ཁྱབ་པའི་དཀྱིལ་འཁོར་འགྲུབ།། རྩོལ་བ་མེད་པའི་རང་བཞིན་ཉིད།། རྣལ་འབྱོར་ཡོད་ལ་གསལ་བ་ནི།། རྫོགས་པ་ཆེན་པོ་རྟོགས་པ་གང་ཀུན།། འབྱུང་དཀྱིལ་འཁོར
225b5 ཆེན་པོར་སྲོད།། འཁོར་ལོ་བརྩིབས་བཞི་མུ་ཁྱད་བཅས།། གྲཝ་ཆད་བཞིའི་བརྒྱན་ནང་པར་ཁྱམས།། ཀུན་ཏུ་གྲུ་བཞི་སྒོ་ཁྱད་ལྡན།། རོལ་མོ་སྣ་ཚོགས་སྤྲིན་ཕུང་མཛེས།། བཞི་བཅུ་རྩ་གཉིས་འཁོར་ལོས
225b6 བཅས།། སྣ་ཚོགས་རྒྱན་གྱིས་བརྒྱན་བྱས་པ།། སེང་གེ་གླང་ཆེན་རྟ་མཁའ་ལྡིང་།། ཤང་ཤང་ཏེའུའི་ཁྲི་ཆེན་ལ།། ཉིན་ཟླ་ན་ཆེན་པདྨ་ཡི།། ཁྲི་ཆེན་པོ་ལ་དེ་བཞིན་གཤེགས།། སེམས་དཔའི་ཚུལ་དང
iiif viewer powered by OpenSeadragon
