| e-texts navigator |
| Wylie |
194b1 མིག་ཡོར་ཚུལ།། སྦྱོར་སྒྲོལ་བྱས་པ་སྙུན་བྱས་ཀྱང་།། རྡུལ་ཆ་ཙམ་ཡང་བྱས་པ་མེད།། སྣོད་བཅུད་རྣམས་དག་རྟོགས་ཤིང་།། མཉམ་ཉིས་ལྷག་པའི་མཉམ་ཉིས་ཀྱིས།།
194b2 དཀྱིལ་འཁོར་ཀུན་ཏུ་བཟང་པོའི་ཞིང་། བྱེད་སྤྱོད་ཚོགས་ཆེན་གཉིས་གྱུར་ནས།། ཡན་ལག་མ་ཉམས་ཡོ་བྱད་ལྡན།། ཆོ་ག་རྫོགས་པར་ཤེས་པའི།། རྣལ་འབྱོར
194b3 ཚོགས་པའི་དཀྱིལ་འཁོར་གྱིས།། ངེས་པར་ལེགས་པའི་དགོས་པ་འགྲུབ།། ལྔ་དང་ལྔ་ཞིང་སྦྱོར་བ་ཡི།། ཚོམ་བུ་ལྔའི་ལྷར་བཀོད་ལ།། ཁྲོ་བོ་བཅུ་དང་ཁྲོ་མོ་བཅུ།
194b4 འཁོར་ལོའི་ཚུལ་དུ་རྣམ་པར་བསྒོམ།། དེ་བཞིན་རིགས་དང་རྡོ་རྗེའི་རིགས།། པད་མའི་རིགས་ཏེ་སྐུ་གསུང་ཐུགས།། ཁྲོ་བོའི་ཚོགས་དང་ལྡན་པ་ཡི།། ཚོམ་བུ་གསུམ
194b5 པའི་ལྷ་རྣམས་བསྒོམ།། རིགས་ཀྱི་རིགས་ཏེ་རིགས་ཀྱི་གཙོ།། ཐུགས་ཀྱི་ཐུགས་ཏེ་ཐུགས་ཀྱི་མཆོག། ཁྲོ་བོའི་ཚོགས་དང་ལྡན་པ་ཡི།། ཚོམ་བུ་གཅིག་པའི་ལྷ་རྣམས
194b6 བསྒོམ།། ཁྲོ་བོ་ཁྲོ་མོ་ཚོགས་ཆེན་དང་།། ཕོ་ཉ་ཕྱག་མཉན་བཀའ་མཉན་ཚོགས།། ཅི་བགྱི་ལ་སོགས་རྣམས་ཀྱིས།། དངོས་གྲུབ་ལས་རྣམས་རྫོགས་པར་བྱེད།། རྣལ
iiif viewer powered by OpenSeadragon
