| e-texts navigator |
| Wylie |
189a1 དེ་སྐད་བདག་ཉིད་མཆོག་གི་བཤད།། གསང་བ་སྙིང་པོ་དེ་ཉིད་དེ་ཁོ་ན་ཉིད་ངེས་པ་ལས། ཡན་ལག་དཀྱིལ་འཁོར་དུ་བྱིན་གྱིས་བརླབས
189a2 ནས་ཕྱག་རྒྱ་སྤྲོས་པའི་ལེའུ་སྟེ་བརྒྱད་པའོ།། ། དེ་ནས་དེ་བཞིན་གཤེགས་པ་དགེས་པ་ཆེན་པོ་རྡོ་རྗེ་གསང་བའི་དམ་ཚིག་བཀོད་པ་ལྔ
189a3 སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ།། ཤིན་ཏུ་ཕྲ་བའི་དམ་ཚིག་མཆོག། ཕྱག་རྒྱ་ཆེན་པོའི་ཕྱག་འཐིལ་དུ།། ཐུགས་ཀྱི་དཀྱིལ་འཁོར་དམ་པ་སྟེ།
189a4 སོར་ནི་བཞིའི་ཆེད་དུ་བྱ།། འབྲུ་ལྔ་སྤོས་ལྔ་རིན་ཆེན་ལྔ།། སྙིང་པོ་ལྔ་དང་སྨན་ཆེན་ལྔ།། བདུད་རྩི་ལྔ་ནི་རབ་བསྣམས་ལ།། རིག་པས་ཐིག་ནི་གདབ་པར་བྱ།། ལྟེ
189a5 བརྩིབས་དང་ལྡན་པ་པ་ཡི།། རྩོབས་བཞི་འཁོར་ལོ་མྱ་ཁྱད་བཅས།། གྲུ་ཆ་བཞི་དང་གྲུ་བཞིའོ།། བར་ཁྱམས་སྒོ་ཁྱད་ལྡན་པར་བྱ།། སེན་ཟླུ་མ་ཙམ་གྱི་ཉི་ཟླ་ལ།།
189a6 ཙ་ནི་འབྲུ་ཙམ་པད་མའི་གདན།། ཡུངས་འབྲུ་ཙམ་གྱི་ཡི་གེ་ལ།། ཕྱག་རུ་གཏིལ་འབྲུ་ཙམ་དུ་བྲི།། བཅོས་བུ་རས་ནི་སྣ་ཚོགས་དང་། བརྒྱན་ཕྲེང་བཏུང་དང
iiif viewer powered by OpenSeadragon
