| e-texts navigator |
| Wylie |
174b1 རང་བཞིན་གསང་།། ངོ་བོ་ཉིད་ཀྱིས་རབ་ཏུ་གསང་།། གཞན་དུ་མེད་ལ་ཤིན་གྲུསང་ཞེས་བརྗོད་པས།། དེ་བཞིན་གཤེགས་པ་ཐམས་ཅད་དང་། ཆོས་ཐམས་ཅད་ཡེ་ནས་སངས་རྒྱས
174b2 པའི་ངོ་བོ་ཉིད་དུ་གཅིག་པའི་མཚན་ཉིད་ཡིན་པས་དབྱེར་མེད་ན། འགྲོ་བའི་རྣམ་པར་རྟོག་པ་མ་རིག་པ་ལས།། འགྲོ་བ་ལྔའི་རིག་བསམ་གྱི་མི་ཁྱབ་པར་སྨིན་པ་དང་། ཐུགས་རྗེ་ཆེན
174b3 པོ་སངས་རྒྱས་ཀྱིས་ཡེ་ཤེས་ཆེན་པོ་སྐྱེ་ནས་ཆེད་དུ་བརྗོད་པ་འདི་བརྗོད་དོ།། ཨེ་མའོ་བདེ་གཤེགས་སྙིང་པོ་ལས།། རང་གི་རྣམ་རྟོག་ལས་ཀྱིས་སྤྲུལ།། སྣ་ཚོགས་ལུས་དང་ལོངས
174b4 སྤྱོད་དང་།། གནས་དང་སྡུག་བསྔལ་ལ་སོགས་པ།། བདག་དང་བདག་གིར་སོར་འཛིན།། སུས་ཀྱང་མ་བཅིང་བཅིངས་མེད་དེ།། བཅིང་བར་བྱ་བ་ཡོད་མ་ཡིན།། རྣམ་རྟོག་པ་དག
174b5 ཏུ་འཛིན་པ་ཡིན།། ནན་གྱི་མཁའ་ལ་མདད་པ་མདོར།། བཅིངས་མེད་རྣམ་པར་གྲོལ་མེད་པའི།། ཡེ་ནས་ལྷན་རྫོགས་སངས་རྒྱས་ཆོས།། སྟན་ཕྱིར་སྤྲོ་བ་སྣ་ཚོགས་མཛད།།
174b6 ཅེས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་།། ། གསང་བ་སྙིང་པོ་དེ་ཁོ་ན་ཉིད་ངེས་པ་ལས། དོན་དམ་པ་དང་ཀུན་རྫོབ་ཀྱི་བྱང
iiif viewer powered by OpenSeadragon
