| e-texts navigator |
| Wylie |
219b1 འགྱུར་རོ།། དེའི་ཆུས་ཁང་པ་དང་ཕྱུགས་ཀྱི་ར་བ་འམ། རྟའི་ར་བ་དང་། རྒྱལ་པོའི་ཁབ་ཏུ་གཏོར་ན་རྐུན་མ་དང་སྦྲུལ་དང་གནོད་སྦྱིན་དང་སྲིན་པོ་ལ་སོགས་པའི་འཇིགས་པ་མི
219b2 འབྱུང་ཞིང་ནད་ཀྱིས་ཡོངསུ་གདུངས་པར་མི་འགྱུར་རོ།། མགོ་བོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ།། དེ་ལྟར་ཚེ་དཔག་ཏུ་མེད་པའི་ཕན་ཡོན་ཆེན་པོའི་གཟུངས་འདི
219b3 གང་དང་གང་དུ་རབ་ཏུ་སྦྱར་ན་དེ་དང་དེ་རུ་ཞི་བར་ཆེན་པོར་འགྱུར་རོ།། སོ་ཤིང་ལ་ལན་ཉི་ཤུ་རྩ་གཅིག་བཟླས་ནས་འཆོས་ན་ནད་མེད་པ་དང་བློ་རྣོ་བ་ཆེ་རིང་བར་འགྱུར་རོ།། ཆུ་ཁྱོར
219b4 བ་གསུམ་ལ་གསུམ་དུ་ལན་ཉི་ཤུ་རྩ་གཅིག་ཡོངས་སུ་བཟླས་ནས་འཐུངས་ན་ནད་ཐམས་ཅད་ལས་གྲོལ་ཞིང་ཡུན་རིང་དུ་འཚོ་བར་འགྱུར་རོ།། གཞན་ཡང་བྱང་ཆུབ་སེམས་དཔའ
219b5 སེམས་དཔའ་སེམས་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི་ཅེས་གསོལ་ཏོ།། བཅོམ་ལྡན
219b6 འདས་རིགས་ཀྱི་བུ་འམ་རིགས་ཀྱི་བུ་མོ་ས་མཆོད་རྟེན་གྱི་ལས་ཇི་ལྟར་བགྱི། སྐུ་གཟུགས་ལ་སོགས་པས་བསྒྲུབ་པ་ཇི་ལྟར་བགྱི། འདིར་སྦྱིན་བསྲེག་ཀྱང་ཇི་ལྟར་བགྱི།།
219b7 བཅོམ་ལྡན་འདས་ཀྱིས་བཀའ་སྩལ་པ། དྲི་བ་ལེགས་པས་སྨྲས་པ་ནི་དཔའ་བོ་ཆེན་པོ་ལེགས་སོ་ལེགས། སེམས་ཅན་ཀུན་ལ་སྙིང་བརྩེའི་ཕྱིར། འདི་ནི་རྩེ་གཅིག་ཡིད
219b8 ཀྱིས་ཉོན།། དེ་ནས་བཅོམ་ལྡན་འདས་ཀུན་དུ་དཔག་ཏུ་མེད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྐོས་པར་ཞུགས་ནས་དེ་བཞིན་གཤེགས་པ་པ་ཐ~ཾད་ཀྱི་ཚེ་དཔག་ཏུ་མེད་པ་ཞེས།
iiif viewer powered by OpenSeadragon
