| e-texts navigator |
| Wylie |
52b1 སྐྱེད་མོས་ཚ་ལ་དེའི་ནང་ན་སྲིན་མོ་མེ་ཏོག་གིས་ལྷ་མ་ཡིན་ཞེས་བྱ་བ་དྲག་པོ་གཟུ་ལུམ་ཅན། མདངས་འཕྲོག་མ། དཔག་ཚད་སྟོང་དུ་ཡང་སྐྱེས་པ་དང་། བུད་མེད་དང་།
52b2 ཁྱེའུ་དང་། བུ་མོ་དག་གིས་མདངས་འཕྲོག་པར་བྱེད་པ་ཞིག་གནས་པ་དང་། གྲོང་ཁྱེར་དམར་བུ་ཅན་པའི་སྐྱེ་བོའི་ཚོགས་སྐྲག་ཅིང་མི་དགའ་ནས། བདག་ཅག་གིས
52b3 ཐབས་ཅི་ཞིག་བྱ་ཞེས་བརྗོད་པར་བྱེད་དོ།། དེ་ནས་གྲོང་ཁྱེར་དམར་བུ་ཅན་གྱི་སྐྱེ་བོ་རྣམས་ཀྱི་ནང་ནས་རྒན་རབས་ཞིག་གིས། སྐྱེ་བོ་དག་ཅིག་ཉོན་ཅིག། ཁོ་བོས
52b4 བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་རབ་ཏུ་མཛེས་པའི་ཏོག་ཅེས་བྱ་བ་འཇིག་རྟེན་དུ་བྱུང་བར་ཐོས་ཀྱིས།
52b5 བཅོམ་ལྡན་འདས་དེའི་ཐད་དུ་དེང་ལ་ཡོངསུ་ཞུས་ཤིག་དང་། བཅོམ་ལྡན་འདས་དེས་སྐྱོབ་པར་འགྱུར་རོ།། དེ་ནས་སྐྱེ་བོའི་ཚོགས་དེ་དག་གིས་མི་རྒན་པོའོ་དེ་ལ།
52b6 བཅོམ་ལྡན་འདས་དེ་ག་ལ་བཞུགས་ཞེས་དྲིས་པ་དང་། ཡུལ་ལྔ་ལེན་ན་བཞུགས་སོ་ཞེས་སྨྲས་པ་དང་། དེ་ནས་སྐྱེ་བོའི་ཚོགས་དེ་དག་འདི་སྙམ་དུ་ཐབས་ཅི་ཞིག་བྱ།
52b7 ཞེས་སྨྲས་པ་དང་། མི་རྒན་པོ་དེ་ན་རེ། ཀྱེ་མེ་རྣམས་དེང་ལ་ཕྱོགས་གཙང་མར་འཇིམ་པ་དང་བ་ལང་གི་ལྕི་བས་དཀྱིལ་འཁོར་བྲིས་ལ། སྒོ་བཞི་ཤིན་ཏུ་རྣམ་པར་ཕྱེ
52b8 ནས་མེ་ཏོག་སྣ་ཚོགས་དག་བཀྲམ། བུམ་པ་གང་བ་བཞི་ཡང་བཞག། པོས་ཕོར་བཞི་དང་། ལྷ་བཤོས་ཀྱིས་བུམ་པ་བཞི་ཡང་བཞག། ཕྱོགས
iiif viewer powered by OpenSeadragon
