| e-texts navigator |
| Wylie |
51a1 ལན་མཉན་པར་འདོད་ནས། བཅོམ་ལྡན་འདས་ཀྱི་སྤྱན་སྔར་འཁོད་དོ།། ལྷ་རྣམས་ཀྱི་དབང་པོ་བརྒྱ་བྱིན་ཡང
51a2 འཁོར་སུམ་བཅུ་རྩ་གསུམ་པའི་ལྷའི་དབང་པོ་བརྒྱ་སྟོང་དག་གིས་ཡོངསུ་བསྐོར་བ་དང་། མི་འཇེད་ཀྱི་བདག་པོ་ཚངས་པ་ཡང་། ཚངས་རིས་ཀྱི་ལྷའི་བུ་བརྒྱ་སྟོང་དང
51a3 ལྷན་ཅིག་ཏུ་ལྷགས་སོ།། ཉི་མ་དང་། ཟླ་བ་དང་། ནོར་བུ་བཟང་པོའི་བུ་དང་། གང་བ་བཟང་པོ་དང་། སྟོབས་ཀྱི་ལྷ་དང་། ལྷ་ཆེན་པོ་དང་། སྲེད་མེད་ཀྱི་བུ་བ་དང་།
51a4 གཤིན་རྗེ་དང་། ཆུ་ལྷ་དང་། ལུང་ངན་དང་། རྒྱལ་པོ་ཆེན་པོ་བཞི་དག་དང་། དཔལ་དང་ཚིག་ལྡན་མ་དང་། དུང་ཅན་དང་། མེ་ཏོག་གིས་ཅན་དང་། འཕྲོ་མ་བུ
51a5 ལྔ་བརྒྱ་འཁོར་དང་བཅས་པ་དང་། རྒྱ་མཚོ་དང་། དགའ་བོ་དང་། ཉེ་དགའ་བོ་ཀླུའི་རྒྱལ་པོ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་བ་དེ་དག་ཀུན་ཀྱང
51a6 འདུས་ཏེ་འཁོད་དོ།། འཁོར་ན་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ་ཆེན་པོ་དབང་པོ་ཕལ་པོ་ཆེས་ཡོས་སུ་བསྐོར་ཅིང་མདུན་ཏུ་བདར
51a7 བ་དེ་དག་ཐམས་ཅད་ཀྱིས་ཀྱང་བཅོམ་ལྡན་འདས་ལ་ཡོངས་སུ་བསྐོར་ཏེ་མཆོད་པ་མངོན་པར་འདུ་བྱས་ནས། ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར
51a8 འཁོད་དོ།། ཡང་དེའི་ཚེ་འཁོར་མང་པོ་དེ་ན། བྲམ་ཟེ་ཆེན་པོ་ཁྱབ་འཇུག་བྱིན་ཞེས་བྱ་བ། གྲོང་ཁྱེར་དམར་བུ་ཅན་ན་གནས་པ། ཕྱུག་པ་ནོར་མང་བ།
iiif viewer powered by OpenSeadragon
