| e-texts navigator |
| Wylie |
50a1 འདས་ཀྱི་སྡིག་པ་དེ་དག་ལ་ཚིགས་སུ་བཅད་དེ་བཀའ་སྩལ་པ། ལུས་ནི་ཡེ་ནས་ཡོད་པའི་ལུས།། ཡན་ལག
50a2 ལྔ་ཡང་ཡེ་ནས་ཚང་།། སྐྱེ་ཡང་ཡེ་ནས་རང་སྐྱེས་ཏེ།། ཤི་ཡང་ཡང་ནས་རང་ཤིའོ།། ད་ལྟར་གནས་པའི་ཚེ་འདི་ཡང་།། རིང་པོར་འདོད་ཀྱང་རིང་མི་འགྱུར།། ཐུང་ངུར
50a3 འདོད་ཀྱང་ཐུང་མི་འགྱུར།། བདེ་སྐྱིད་ཁྱོད་ཀྱིས་རང་མྱོང་སྟེ།། ཡང་དག་ལོག་པ་ཁྱོད་ཀྱི་དབང་།། འདུ་བྱེད་ལས་དག་གང་བྱེད་པ།། གཞན་ལ་མ་དྲི་མདོ་སྡེ་ལྷོགས།།
50a4 ནམ་ནམ་ཞ་ཞའི་བར་དུ་ཡང་། ལམ་ཐོབ་ཆོས་ཀྱི་འཁོར་ལོ་བསྐོར།། བཅོམ་ལྡན་འདས་ཀྱིས་མདོ་སྡེ་འདི་གསུངས་པ་ན། འཁོར་མང་པོ་ཐམས་ཅད་ངོ་རྒྱུར་གྱུར
50a5 ཏེ་སེམས་ཡིད་གསལ་བ་ཐོབ་ནས། རབ་ཏུ་དགའ་མགུ་ཡིད་རངས་ཏེ། ཐམས་ཅད་ཀྱི་མཚན་དང་མཚན་མ་ཡིན་པ་ཐོབ་སྟེ། སངས་རྒྱས་ཀྱིས་མཁྱེན་ཅིང
50a6 གཟིགས་པ་ལ་ཞུགས་སངས་རྒྱས་ཀྱི་མཁྱེན་པ་གཟིགས་པ་རྟོགས་ཀྱང་ཞུགས་པ་ཡང་མེད། མཐོང་བ་ཡང་མེད་ཤེས་པ་ཡང་མེད་དེ། ཆོས་གཅིག་ཀྱང་མ་མཐོང
50a7 བ་ནི་མྱ་ངན་ལས་འདས་པ་དབེན་པའི་དབྱིངས་ཞེས་བྱའོ།། འཕགས་པ་སྣང་བརྒྱད་ཅེས་བྱ་བའི་རིག་སྔགས་ཀྱི་མདོ་རྫོགས་སོ།།
50a8 ། རྒྱ་གར་སྐད་དུ། བོ་དྷི་མཎྜ་ཨ་ལ་མ་ཀ་ར་ན་མ་དྷ་ར་ནི་ཨུ་པ་ཙ་ཡཱ། བོད་སྐད་དུ། བྱང་ཆུབ་ཀྱི་སྙིང་པོའི་རྒྱན་འབུམ་ཅེས་བྱ་བའི་གཟུངས་ཀྱི
iiif viewer powered by OpenSeadragon
