| e-texts navigator |
| Wylie |
20b1 དེ་ལ་རི་དང་བརྩིགས་པ་རྣམས་སྒྲིབ་པར་མི་བྱེད་དེ། ཕུན་སུམ་ཚོགས་པ་བཞི་པོ་དེ་དག་ཐོབ་པར་འགྱུར་རོ།། དེ་ནས་ཁྱིམ་བདག་དེ་དགའ་ཞིང་མགུ་ལ་ཡིད་རངས་པར
20b2 གྱུར་ནས། དགེ་སློང་དེའི་རྐང་པ་ལ་ཕྱག་བྱས་ཏེ་འདི་སྐད་ཅེས་སྨྲས་སོ།། འཕགས་པ་དཀྱིལ་འཁོར་བརྒྱད་སྟོན་ཅིག་དང་། དེས་བདག་ལ་མངོན་སུམ་དུ་འགྱུར་རོ།།
20b3 དེ་ནས་དགེ་སློང་རྣམ་པར་རྒྱལ་བ་འབྱུང་བས། ཁྱིམ་བདག་དེའི་བསམ་པ་ཤེས་ནས་ཡང་དག་པར་རབ་ཏུ་བསྟན་ཏེ། རིགས་ཀྱི་བུ་ཉོན་ཅིག་དང་བསྟན་པར་བྱའོ།། དེས་ནི
20b4 ལྕི་བར་བསྲེད་པ་ཡི། དཀྱིལ་འཁོར་གྲཝ་བཞི་ལྷམ་པར་བྱ། སེམས་ཅན་ཀུན་དང་ཐུན་མོང་དུ། འདས་པའི་སངས་རྒྱས་གང་ཡིན་དང་། གང་དག་མ་འོངས་ད་ལྟར་བྱུང་།
20b5 བྱང་ཆུབ་སེམས་དཔའ་ཉན་ཐོས་དང་། རང་སངས་རྒྱས་དག་གང་ཡོད་པ། དེ་དག་རྣམས་ལ་ཡོངས་སུ་བསྔོ།། དེ་ནས་དཀྱིལ་འཁོར་འཁོར་ཡུག་ཏུ། འཁོར་གྱི་དཀྱིལ
20b6 འཁོར་རྣམས་བྱ་སྟེ། འཇིག་རྟེན་དབང་དང་བྱམས་པ་དང་། ཐུབ་པ་སྐྱེ་མཆོག་ན་མཁའ་དང་། ཀུན་ཏུ་བཟང་པོ་བློ་ལྡན་དང་། དེ་བཞིན་གསང་བའི་བདག་པོ་དང་། འཇམ
20b7 དཔལ་གཞོན་ནུར་གྱུར་པ་དང་། སྒྲིབ་པ་ཐམས་ཅད་རྣམ་སེལ་དང་། དེ་བཞིན་སའི་སྙིང་པོའོ།། དེ་དག་གི་ཆེད་དུ་དཀྱིལ་འཁོར་བརྒྱད་པའོ།། ཁྱིམ་བདག་འདི་ནི་དཀྱིལ
20b8 འཁོར་བརྒྱད་ཅེས་བྱ་བའི་ཆོས་ཀྱི་རྣམ་གྲངས་ཡིན་ཏེ། འདི་ནི་བདག་གིས་བཅོམ་ལྡན་འདས་དེ་བཞིན་གཤེགས་པ་སྣང་བ་བསམ་གྱིས་མི་ཁྱབ་པ་དེ་ལས་མངོན་སུམ་དུ
iiif viewer powered by OpenSeadragon
