| e-texts navigator |
| Wylie |
112a1 ཨ་དཀར་པོར་གྱུར་ཅིང་ཞལ་ཟས་དེ་དག་ཐམས་ཅད་བདུད་རྩིར་གྱུར་ཏེ། ཡང་ཟླ་བའི་སྟེང་གི་ཨ་དེ་ཉིད་ལས།
112a2 འོད་ཟེར་འཕྲོས་པས། ན་མཁའི་མཐའ་ཀླས་པའི་བར་དུ་ཁྱབ་པར་གྱུར་ཏོ།། ཡང་ཟླ་བའི་སྟེང་དུ་ཨོཾ་སེར་པོར་གྱུར་ཅིང་། ཨོཾ་ཞེས་པས་འཕགས་པ་དང་སེམས།
112a3 ཅན་མཉེས་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཕྱག་རྒྱ་རྡོ་རྗེ་ཐལ་མོ་སྦྱར་བར་ལྟར་བྱས་ཁ་ཕུབ་སྟེ། གཟུང་འདི་གསུངས་སོ།། ཨོཾ་སརྦ་དྷརྨ་ཏ་བཛྲ་སིདྡྷི
112a4 ཧཱུཾ་ཨཽ་ཨ་མྲི་ཏེ་ཧཱུཾ་ཕཊ། ཨོཾ་ན་མཿསརྦ་ཏ་ཐཱ་ག་ཏ་བྷྱོ།། བི་ཤྭ་མུ་ཁེ་བྷྱཿསརྦ་ཏད་ཁཾ་ཨུད་ག་ཏེ་སྥ་ར་ན་ཨི་མི་ག་གཱ་ཁཾ་སྭ་ཧཱ། ཨོཾ་ན་མཿསརྦ་ཏ་ཐཱ
112a5 ག་ཏ། ཨ་ཝ་ལོ་ཀེ་ཏེ། ཨོཾ་སཾ་བྷ་ར་སཾ་བྷ་ར་ཧཱུཾ། ཨོཾ་རུ་རུ་སཱུ་རུ་ཛ་ལ་ཏེ་ཤཱ་སིངྒ་ལོ་ཙ་ནི་སརྦ་ཨརྠ་སཱ་བྷ་ནེ་སཱ་ཧཱ།། ཞེས་གསུངས་མ་ཐག་ཏུ་མཆོད་པ
112a6 དང་ཞལ་ཟས་ཐམས་ཅད་ཀྱི་མཆོད་ནས་འཕགས་པ་ཐམས་ཅད་མཉེས་པ་དང་། སེམས་ཅན་ཐམས་ཅད་ཟང་ཟིང་གི་དགའ་བ་དང་བདེ་བས་ཚིམས་པར་གྱུར་ཏེ།
112a7 དེ་ནས་ཁྱིམ་བདག་བཟང་སྐྱོང་གི་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད
112a8 ཀྱི་མཐུ་དང་། ཆོས་ཀྱི་དབྱིངས་ཤིན་ཏུ་རྣམ་པར་དག་པའི་མཐུ་དང་། བདག་གིས་བསམ་པ་རྣམ་པར་དག་པའི་མཐུས་འཕགས་པ་ཐམས་ཅད་ཕོ་བྲང་དང་།
iiif viewer powered by OpenSeadragon
