| e-texts navigator |
| Wylie |
116a1 @ཀྱང་ཡོངས་སུ་ཐར་ནས། མཐོ་རིས་ཀྱི་འཇིག་རྟེན་དོང་སྟེ། བཅོམ་ལྡན་འདས་ཀྱི་སྤྱན་སྔར་ལྷའི་མཆོད་པའི་སྤྲིན་སྣ་ཚོགས་ཀྱི་ཆར་བབ་བོ།། ལྷ
116a2 མེ་ཏོག་དང་། བདུག་པ་དང་། གོས་ཀྱི་རྒྱན་དང་། སྤོས་དང་། ཕྲེང་བ་དང་། བྱུག་པ་སྣ་ཚོགས་ཀྱི་ཆར་རབ་ཏུ་བབས་སོ།། ནམ་མཁའ་ལ་ཡང་ལྷའི་རོལ་སྒྲ་གྲགས་པར་གྱུར་ཏེ། བཅོམ
116a3 ལྡན་འདས་ལ་མཆོད་པའི་ལས་བྱེད་དོ།། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པའི་གསུང་ཀ་ལ་པིང་ཀའི་སྐད་ལྟར་གདངས་སྙན་ཅིང་ཟབ་པས། བྱང་ཆུབ་སེམས་དཔའ
116a4 སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ལེགས་སོ་ཞེས་བྱ་བ་བྱིན་ཏེ། སྤྱན་རས་གཟིགས་དབང་ཕྱུག་ལེགས་སོ་ལེགས་སོ།། རིག་སྔགས་ཀྱི་རྒྱལ་པོ་བཤད
116a5 པ་འདི་ནི་མཆོག་ཏུ་བཀོད་པ་དང་། མཆོག་ཏུ་དམ་པ་སྦྱིན་པར་བྱེད་པ་ཡིན་གྱིས། སེམས་ཅན་པོ་ཡི་སེམས་ཅན་ཐམས་ཅད་ཀྱི་དོན་དུ་ཆོ་གར་བྱ་བ་རྒྱས་པར་ཤོད་ཅིག། དེ་ནས་བྱང་ཆུབ
116a6 སེམས་དཔའ་སེམས་དཔའ་ཆེན་པོ་སྲན་རས་གཟིགས་དབང་ཕྱུག་གིས་ཆོ་གར་བྱ་བཤད་པ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་འམ། དགེ་སློང་ངམ། དགེ་སློང
116a7 མ་འམ། དགེ་བསྙེན་ནམ། དགེ་སྙེན་མ་འམ། སུ་ཡང་རུང་བ་འབྲས་བུ་མོད་ལ་ཐོབ་པར་འཚལ་བས། ཡིད་བཞིན་གྱི་ནོར་བུའི་ཕྱག་རྒྱ་ལ་མངོན་པར་བརྩོན་པར་བགྱིའོ།། ཆེས
116a8 གྲངས་རྒྱུ་སྐར་སྦྱར་མི་འཚལ།། བསླང་བའི་ཆོ་ག་བགྱི་མི་འཚལ།། ཁྲུས་དང་གོས་གསར་བགོ་མི་འཚལ།། དེ་བཞིན་བསྒྲུབ་པའི་ཆོ་ག་མེད།། བཀླགས་པ་ཉིད་ཀྱིས་འགྲུབ་འགྱུར
iiif viewer powered by OpenSeadragon
