| e-texts navigator |
| Wylie |
7a1 དེ་ལྟར་དག་པ་དེ་བཞིན་གཤེགས།། རྣམ་པར་ཤེས་པ་རྣམ་པ་བཞི།། ཕྱག་རྒྱ་བཞིའི་ཆོ་ག་ཡིས།། གསང་བ་གཉིས་མེད
7a2 སྦྱོར་བ་ཡིས།། སྐུ་གསུང་ཐུགས་ནི་ཡང་དག་འབྱུང་།། ཐུགས་ཀྱི་ཕྱག་རྒྱ་ཆེན་པོ་སྟེ།། དམ་ཚིག་ཕྱག་རྒྱ་ཀུན་ཏུ་འགྲོ།། ཆོས་ཀྱི་ཕྱག་རྒྱ་གསུང་གི་སྟེ།། ལས
7a3 ཀྱི་ཕྱག་རྒྱ་སྐུའི་ཡིན།། རྒྱ་ཡིས་རྒྱས་བཏབ་དངོས་པོ་ནི།། གསང་བདག་གསང་བའི་རྣལ་འབྱོར་པའོ།། རང་རིག་པའི་ངོ་བོ་ཡིས།། ཏིང་འཛིན་ཡེ་ཤེས
7a4 བརྟགས་གང་ཡིན།། ལུས་ངག་སེམས་སུ་རྣམས་རྟགས་པའི།། བྱ་བ་རྒྱུད་དུ་རྣམ་རྟགས་པ།། གསང་བ་རྣམ་པ་གསུམ་དུ་བཤད།། རྡོ་རྗེ་ལས་ཅན་སྣ་ཚོགས
7a5 བཞིན།། སངས་རྒྱས་ལྔའི་བདག་ཉིད་ནི།། གསང་བའི་ཡེ་ཤེས་བླ་མེད་ཡིན།། ཕྱག་རྒྱ་བཞི་པོ་གསང་བ་སྟེ།། རྣལ་འབྱོར་པའི་ལས་གྲུབ་བྱེད།། འབྱུང་བ
7a6 ཆེན་པོ་བཞི་པོ་ཡང་།། ཕྱག་རྒྱ་བཞི་ཞེས་བཤད་པ་ཡི།། ཕྱག་རྒྱ་བཞི་ཡི་མཉམ་སྦྱོར་བ།། ལྷ་མོ་བཞི་དང་ཡང་དག་ལྡན།། ས་ནི་སྤྱན་ཞེས་བཤད་པ་ཡིན།།
7a7 ཆུ་ནི་མ་མ་ཀི་ཞེས་བཤད།། མེ་དང་རཱང་ཞེས་གྲགས་པ་ནི།། གོས་དཀར་མོ་དང་སྒྲོལ་མ་ཡིན།། ཆུ་ཡི་ཁམས་ནི་ཆུ་དཀྱིལ་འཁོར།། དབང་ཆེན་ས་ཡི་ཁམས་ཡིན་ཏེ།
iiif viewer powered by OpenSeadragon
