| e-texts navigator |
| Wylie |
281b1 ཁའི་མཆོག་འདི་གསུངསོ།། རས་ལ་བཅོམ་ལྡན་འདས་ཐམས་ཅད་རིག་པ་དེ་བཞིན་དུ་བྲིས་ལ། གཡས་སུ་ནི་དེ་བཞིན་གཤེགས་པ་ངན་སོང་ཐམས་ཅད་ཡོངས་སུ་སྦྱོང་བའི་གཟི
281b2 བརྗིད་ཀྱི་རྒྱལ་པོའོ།། གཡོན་ཕྱོགས་སུ་ནི་ཤཱཀྱ་ཐུབ་པའོ།། ངན་སོང་ཐམས་ཅད་ཡོངས་སུ་སྦྱོང་བའི་འོག་ཏུ་ནི་ཀུན་ཏུ་སྤྱན་རས་གཟིགས་དབང་ཕྱུག་མདོག་ཟླ་བ་ལྟ་བུ།། ཕྱག
281b3 ན་པད་མ་བསྣམས་པ་བྱ། ཤཱཀྱ་ཐུབ་པའི་འོག་ཏུ་ནི། ཕྱག་ན་རྡོ་རྗེ། དེ་གཉིས་པ་ནི་སྨན་གྱི་བླ་མོ་དོག་སྔོན་པོ་ཕྱག་གཅིག་ན་འབྲས་བུ་ཨ་རུ་ར་བསྣམས་པ། ཕྱག་གཅིག་མཆོད
281b4 མཆོད་སྤྲིན་དུ་བྱ། རྟ་མགྲིན་དང་འཇིག་རྟེན་གསུམ་ལས་རྣམ་པར་རྒྱལ་བ་མ་རུངས་པ་འཇོམས་པ་ལ་བརྩོན་པ་གཉིས་ནི་རབ་ཀྱི་ལྷ་ལ་རྟེན་པ་བྲི།། དེ་གཉིས་ཀྱི་དབུས་སུ
281b5 ལོ་ཙ་ན་དོང་མ་མ་ཀི་དང་གོས་དཀར་མོ་དང་སྒྲོལ་མ་རྣམས་རང་གི་མཚན་མ་ཕྱག་ཏ་ཐོགས་པ་བྲི། དེ་དག་གི་འོག་ཏུ་པད་མའི་རྫིང་བུའི་ཆུ་དང་། ཆུ་སྲིན་དང་། ཉ་དང་རས་སྦལ
281b6 དང་། སྦལ་པ་དཀར་པོ་དང་། ཉ་འཁར་བ་ལ་སོགས་པ་དང་། ཆུ་ལས་སྐྱེས་པའི་མེ་ཏོག་རྣམས་དུ་མས་ཡོངས་སུ་གང་བ་བྲི། གདུག་པ་དང་མར་མེ་དྲི་དང་ཕྲེང་བ་དང་།
281b7 བ་ཤོས་དང་། མེ་ཏོག་དང་འབྲས་བུ་རྣམ་པ་སྣ་ཚོགས་པ་བྲི། དེའི་འོག་ཏུ་སྒྲུབ་པ་པོ་ཉིད་ཐལ་མོ་སྦྱར་ཏེ་ཕྱག་འཚལ་ཞིང་འདུག་པ་བྲིའོ།། དེ་ནས་རི་མོའི་སྐུ་གཟུགས་དེ།
iiif viewer powered by OpenSeadragon
