| e-texts navigator |
| Wylie |
17b1 ཅན།། མཁའ་དབྱིངས་རྡོ་རྗེ་དབུས་ཆུད་པར།། ཟླ་བའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རྣམ་བསྒོམས་ལ།། སྒྲོལ་མ་མཆོག་ནི་བསམ་པར
17b2 བྱ།། ཞལ་མཛེས་སྤྱན་ནི་ཡངས་པ་དང་།། སྣ་ཚོགས་རྒྱན་གྱིས་རྣམ་པར་བརྒྱན།། ཁ་དོག་སེར་པོ་ཉིད་བསམ་ཞིང་།། བུད་མེད་སྒྱུ་མའི་དྲེགས་བདེ་བ།། རྟག་ཏུ
17b3 ཨུད་དཔལ་དམ་པ་ནི།། སེར་པོ་སྣང་བ་བསམ་པར་བྱ།། རྡོ་རྗེ་ཉིད་འཛིན་ལས་བྱུང་བ།། སེམས་ཅན་ཀུན་གྱིས་ཕྱག་བྱས་པའོ།། ཨོཾ་རུ་རུ་སྥུ་རུ་ཛ་ལ་ཏི་ཤཱ
17b4 སིདྡྷི་ལོ་ཙ་ནི་སརྦ་ཨཪྠ་སད་ནི་སྭཱ་ཧཱ།། ཨཽ་ཤང་ཀ་རེ་ཤན་ཏི་ཀ་རེ། གྷ་ཊ་ཊ་གྷ་ཊི་ནི་གྷ་གྷ་ཏ་ཡ་གྷ་ཊ་ཏི་ནི་སཱ་ཧཱ།། ཨོཾ་ཀ་ཏྲེ་བི་ཀ་ཏྲེ་ནི་ཀ་ཏྲེ་ཀ་ཏི་ཀ་ཏེ་སྭཱ་ཧཱ།། ཨོཾ་ཏ་རེ
17b5 ཏུད་ཏ་རེ་ཏུ་རེ་སྭཱ་ཧཱ། རིག་པའི་ལྷ་མོ་བཞིའི།། སྐྲ་ནི་ལུས་ཀྱི་ངོ་བོ་ཡིས།། ཐུགས་ནི་སེམས་ཀྱི་རྣམ་པ་ཉིད།། གསུང་ནི་རྣམ་དག་རྣམ་པ་ཡིས།། མཆོད་ནི་མཆོད
17b6 པའི་བདག་ཉིད་འགྱུར།། སྐུ་གསུང་ཐུགས་ནི་གསང་བ་ནི།། མཁས་པ་ཡིས་ནི་བསྲུང་བྱ་སྟེ།། བསྲུངས་ནས་མཆོག་ཏུ་གསང་བ་ནི།། རྟག་པར་ཀུན་ཏུ་འབྱུང
17b7 བར་འགྱུར།། དངོས་པོ་ཡོངས་སུ་དག་པ་ནི།། མེད་པར་ཀུན་ཏུ་རྟག་མི་འགྱུར།། རྣལ་འབྱོར་པ་ནི་རྣལ་འབྱོར་ཐོབ།། ཚོགས་མེད་ཡང་དག་མི་མཐོང་ངོ་།།
iiif viewer powered by OpenSeadragon
