| e-texts navigator |
| Wylie |
16b1 སྤྲོས་པའི་སྦྱོར་བ་ཡིས།། ཐེག་ཆེན་མཆོག་ནི་དྲི་མ་མེད།། ཐུགས་ནི་འོད་གསལ་དག་པ་ནི།། འོད་དཔག་མེད་ཅེས་དེ་བཤད་དོ།། བཏང་སྙོམས་སྤྲོས་པ་མཛད་པའི
16b2 ཐུགས།། སེམས་ཅན་ཐམས་ཅད་རྟོགས་མཛད་པ།། དོན་ཡོད་བླ་མེད་བྱ་བ་ནི།། དོན་ཡོད་གྲུབ་པར་དེ་བཤད་དོ།། བྱང་ཆུབ་རང་བཞིན་ཡེ་ཤེས་མཆོག། དེ་འདིར
16b3 རྡོ་རྗེ་ཞེས་བཤད་དེ།། རྡོ་རྗེ་ཡེ་ཤེས་ལས་བྱུང་བ།། རྡོ་རྗེ་སེམས་དཔར་དེ་བཤད་དོ།། སངས་རྒྱས་ཐམས་ཅད་སྤྱན་འདྲེན་པ།། རྡོ་རྗེ་ལྕགས་ཀྱུ་ཞེས་བཤད་དོ།།
16b4 རྡོ་རྗེ་རིགས་རྣམས་ཀུན་གྱི་རྒྱལ།། རྡོ་རྗེ་རྒྱལ་པོར་དེ་བཤད་དོ།། སངས་རྒྱས་ཐམས་ཅད་ཚོགས་བྱེད་པས།། མཉེས་པར་བྱེད་པས་ཞེས་བཤད་དོ།། བདུད་ཀྱི་སྦྱོར
16b5 བ་ཆགས་པ་ཆེ།། རྡོ་རྗེ་ཆགས་པར་དེ་བཤད་དོ།། སངས་རྒྱས་ཐམས་ཅད་མཉེས་བྱེད་ཅིང་།། ལེགས་སོ་ཞེས་པ་རབ་སྩོལ་བ།། བྱང་ཆུབ་སེམས་དཔའ་དགོའ
16b6 བྱེད་པས།། རྡོ་རྗེ་ལེགས་པར་དེ་བཤད་དོ།། བྱང་ཆུབ་སེམས་དཔའི་སྦྱིན་པ་གང་།། མཁའ་མཉམ་རྡོ་རྗེ་ལས་བྱུང་བ།། དོན་ཡོད་རིན་ཆེན་ཆེན་པོ་དེ།། རྡོ་རྗེ་རིན
16b7 ཆེན་དེ་བཤད་དོ།། མ་རིག་བྲལ་བའི་ཡེ་ཤེས་ནི།། ཚོགས་རྣམས་ལ་ནི་ངེས་པར་བྱུང་།། ཐར་པར་སྣང་བ་གཟི་བརྗིད་ཆེ།། རྡོ་རྗེ་ཉི་མར་དེ་བཤད་དོ།། རྣམ་པ་ཀུན
iiif viewer powered by OpenSeadragon
