| e-texts navigator |
| Wylie |
16a1 སྒྱུ་མའི་མཆོག་བསམ་མོ།། ཕྱག་ཏུ་ཨུད་དཔལ་སྔོན་པོ་སྟེ།། ཁམས་གསུམ་པས་ནི་ཕྱག་བྱས་པ།། སངས་རྒྱས་བྱང་ཆུབ་བྱེད་པའི
16a2 མཆོག། གསང་བའི་དངོས་གྲུབ་རྡོ་རྗེ་ཅན།། ནམ་མཁའ་རྡོ་རྗེ་དབུས་ཆུད་པར།། ཟླ་བའི་དཀྱིལ་འཁོར་དམ་པ་བསམ།། སངས་རྒྱས་སྐུ་ནི་རྣམ་བསྒོམས་ལ།། སྟོང།
16a3 པའི་དེ་ཉིད་ལས་བྱུང་བ།། རྡོ་རྗེ་ཡེ་ཤེས་ཞེས་བྱར་བཤད།། ཆོས་བདག་མེད་ལས་ཡང་དག་བྱུང་།། གཉིས་མེད་ཡེ་ཤེས་དམ་པ་དེ།། ཆོས་གཉིས་མཆོག་གི་ཡེ་ཤེས
16a4 ནི།། ཆོས་དབྱིངས་ཡེ་ཤེས་ཡང་དག་བཤད།། འདི་ནི་ཆོས་དབྱིངས་ཡེ་ཤེས་ཏེ།། དེ་ལྟ་བུའི་ཏིང་འཛིན་སྐྱེས།། རྡོ་རྗེ་ཡེ་ཤེས་རང་བཞིན་སེམས།། རྡོ་རྗེ་དབྱིངས
16a5 ཞེས་བྱ་བར་བཤད།། སེམས་ཀྱིས་སྤྲོས་པའི་སྦྱོར་བ་ཡིས།། ཕྲ་མོའི་ཡེ་ཤེས་སོགས་སྦྱོར་བ།། དེ་བཞིན་གཤེགས་ཀུན་ཡེ་ཤེས་ནི།། རྣམ་པར་སྣང་མཛད་ཞེས
16a6 བྱར་བཤད།། བྱམས་པ་སྤྲོས་པའི་སྦྱོར་བ་ཡིས།། སྤྱོད་པ་སྤྱོད་པར་བྱེད་པའི་མཆོག། ཟག་མེད་བསྟན་པར་གྱུར་པ་ཡི།། ཐུགས་ནི་མི་བསྐྱོད་པ་ཞེས་བཤད།།
16a7 ཐུགས་རྗེ་སྤྲོ་བའི་ཚུལ་གྱིས་ནི།། སེམས་ཅན་ཕན་འདོགས་མཛད་པའོ།། ཐུགས་ནི་འགྲོ་དོན་ཡང་དག་ལྡན།། རིན་ཆེན་འབྱུང་ལྡན་ཞེས་བཤད་དོ།། དགའ་བས
iiif viewer powered by OpenSeadragon
