| e-texts navigator |
| Wylie |
15b1 ནོར་བུ་ཆུ་ཤེལ་མདོག་འདྲ་བ།། ཤར་ཕྱོགས་ཉིད་དུ་སྔོན་པོ་ཆེ།། ལྷོ་རུ་སེར་པོ་ཡང་དག་ལྡན།། ནུབ་ཕྱོགས་དེ་ནི་དམར་པོ་སྟེ།། བྱང་ཕྱོགས་ལྗང་ཁུ་ཡང་དག་ལྡན།
15b2 ཀུན་ཏུ་ཁྱམས་དང་ལྡན་པ་ལ།། སྒོར་ནི་ཁྱམས་དང་བྲལ་བའོ།། གང་ཞིག་དུ་མར་ཡང་དག་བཤད།། སངས་རྒྱས་ཡེ་ཤེས་བླ་མེད་ཡིན།། གཞན་དག་དོན་ཀུན་ཡང
15b3 དག་ལྡན།། ཏིང་འཛིན་ཡེ་ཤེས་དམ་པ་ཡིན།། ནམ་མཁའི་དབྱིངས་ཀྱིས་དབུས་གནས་པས།། ཟླ་བའི་དཀྱིལ་འཁོར་དམ་པ་བསམ།། སངས་རྒྱས་ཀུན་ནི་རྣམ
15b4 བསྒོམས་ལ།། སྤྱན་ནི་དབུས་སུ་བསམ་པར་བྱ།། བཞིན་བཟངས་སྤྱན་ནི་ཡངས་པ་དང་།། ནོར་བུ་ཆུ་ཤེལ་མདོག་འདྲ་བ།། མཚན་རྣམས་ཐམས་ཅད་ཡོངས་སུ
15b5 རྫོགས།། བུད་མེད་སྒྱུ་མའི་མཆོག་འཛིན་པ།། ཕྱག་ཏུ་འཁོར་ལོ་བསྒོམ་བྱ་སྟེ།། ཁམས་གསུམ་པ་ནི་དབང་བྱེད་དང་།། དངོས་གྲུབ་ཀུན་བྱེད་ཡེ་ཤེས་ནི།། འཁོར
15b6 ལོ་ཡིད་བཞིན་ནོར་བུའི་མདོག། ནམ་མཁའ་རྡོ་རྗེ་དབུས་ཆུད་པར།། ཟླ་བའི་དཀྱིལ་འཁོར་རྣམ་པར་བསམ།། སངས་རྒྱས་སྐུ་ནི་རྣམ་བསྒོམས་པ།། ནམ་མཁའི
15b7 རྡོ་རྗེ་མཆོག་བསྒོམ་མོ།། ཞལ་མཛེས་སྤྱན་ནི་མང་བ་དང་།། ཨུད་དཔལ་སྔོན་པོའི་འདབ་མའི་མདོག། མཚན་རྣམས་ཐམས་ཅད་ཡང་དག་རྫོགས།། ན་མཁའ
iiif viewer powered by OpenSeadragon
