| e-texts navigator |
| Wylie |
14a1 བྱུང་བའི་རང་རིག་ཡིན་པར་བཤད།། གཞན་གྱི་ཆུང་མར་གང་བསྟན་པ།། གཞན་སྡུག་གཞན་གྱི་རིག་པ་ཡིན།། གཅི་དང་རྡོ་རྗེ་ཞེས་བཤད་པ།
14a2 རྡོ་རྗེ་ཡེ་ཤེས་བླ་མེད་ཡིན།། གཤང་དང་པད་མ་ཞེས་བཤད་པ།། ཆོས་ཀྱི་ཡེ་ཤེས་རྙོག་མེད་ཡིན།། ཡོངས་སུ་གསལ་བར་རྣམ་པར་ཤེས།། དཀྱིལ་འཁོར་ཐུགས་ཀྱི
14a3 དམ་པ་ཡིན།། སྐུ་གསུང་ཐུགས་ཀྱི་སྤྱོད་པ་ཡིས།། འབད་པ་ཡིས་ནི་མཆོད་བྱེད་པ།། རང་གི་རྡོ་རྗེ་པད་མར་ལྡན།། དབང་པོ་གཉིས་ལས་བྱུང་བའོ།། རང་གི་ཁུ་བ
14a4 ཐིག་ལེ་ཡིས།། རྡོ་རྗེ་སེམས་དཔར་མཆོད་པར་བྱ།། ཚོགས་གཉིས་ཀྱི་ནི་སྦྱོར་བ་ཡིས།། སངས་རྒྱས་ཐམས་ཅད་གཅིག་བསྡུས་པ།། གཉིས་མེད་གཉིས་ལ་རབ།
14a5 བསྟན་པ།། ཐུགས་རྗེ་ཉམས་དང་ཡང་དག་ལྡན།། དབང་པོ་གཉིས་དང་མཉམ་སྦྱོར་བས།། རང་གི་ཁུ་བ་མཁས་པ་ཡིས།། རྣལ་འབྱོར་ཆེན་པོ་ཕྱུང་ནས་ནི།།
14a6 དཀྱིལ་འཁོར་ཡང་དག་བྱིན་གྱིས་བརླབ།། དགོད་དམ་རབ་ཏུ་སྨྲ་བ་འམ།། སངས་རྒྱས་རོལ་མོའི་གང་བྱེད་པ།། ལྷ་མོ་བཞིའི་མཉམ་སྦྱོར་བར།། རྒྱུ་དང་མི་རྒྱུ་རྣམས
14a7 ཀྱི་རོལ།། གསར་ཞིང་ལེགས་པར་སྒྲིལ་བ་དང་།། ཚད་དང་ལྡན་ཞིང་མཛེས་པ་ཡིས།། ཤེས་རབ་ཅན་གྱི་ཐིག་གདབ་པ།། སྐུ་གསུང་ཐུགས་ཀྱི་བསྒོམས་པས་སོ།།
iiif viewer powered by OpenSeadragon
