| e-texts navigator |
| Wylie |
13b1 རྒྱུ་དང་འབྲས་བུར་ལྡན་འགྱུར་མིན།། གང་ཞིག་ཐོག་མ་མཐའ་མ་མེད།། དེ་ཕྱིར་རྟག་པ་ཞེས་བཤད་དོ།། རང་སེམས་རྟོགས་པས་སངས་རྒྱས་ཏེ།། རྟོགས་པར་བྱ་བ་འང
13b2 སེམས་ཉིད་ཡིན།། སངས་རྒྱས་ཞིང་ཞེས་བཤད་པ་དག། བྱང་ཆུབ་སེམས་སུ་བཤད་པར་བྱ།། རང་བཞིན་དག་པའི་སེམས་ཅན་ནི།། ཀུན་དུ་རིག་པ་ཡང་དག་བཤད།།
13b3 སེམས་ཅན་རང་བཞིན་དག་པ་ཡིན།། བྱང་ཆུབ་སེམས་སུ་ཤེས་པར་བྱ།། དབང་པོར་གྱུར་པ་སྙིང་ཁར་རྡེ་བས།། བརྟན་པ་ཉིད་དུའང་རང་ཉིད་འགྱུར།། སྒྲ་འཛིན་པ་ནི
13b4 རལ་པའི་དབུས།། འོད་དཔག་མེད་པ་མཉམ་བཞག་ཡིན།། ཙུམ་པ་ནར་གྱི་རྗེས་བཤད་པ།། དེ་བཞིན་གཤེགས་པ་རྡོ་རྗེ་གསུང་།། དབང་པོ་གཉིས་ནི་མཉམ་སྤོར་བ།།
13b5 རྣམ་པར་སྣང་མཛད་ཅེས་བཤད་དོ།། བུ་མོ་ལོ་གྲངས་བཅུ་གཉིས་པ།། སྐྱེས་མཆོག་ཐུབ་པས་གང་གསུངས་པ།། ཕ་རོལ་ཕྱིན་པ་བཅུ་གཉིས་སུ།། གསུངས་ཀྱི་གཞན
13b6 དུ་མི་བརྟགས་གོ། བུ་མོ་ལོ་གྲངས་བཅུ་དྲག་པར།། དེ་བཞིན་གཤེགས་པས་གང་གསུངས་པ།། རྡོ་རྗེ་སེམས་སོགས་སེམས་དཔའ་ཡི།། བསྒོམ་པའི་དོན་གྱི་སྒྲ
13b7 ཡིན་ནོ།། ལྷ་མོ་ལོ་གྲངས་ཉི་ཤུ་པར།། འཁོར་ལོ་སྦྱར་བ་ཇི་སྐད་གསུངས།། མཆོད་པ་ཉི་ཤུའི་བདག་ཉིད་ཅན།། ཉི་ཤུ་པ་དེ་རིམས་བཞིན་ནོ།། རང་གི་ཆུང་མ་རང་རིག་ལས།
iiif viewer powered by OpenSeadragon
