| e-texts navigator |
| Wylie |
25b1 གྲུབ་མེད་པར་འགྱུར།། དྲང་བ་དག་ནི་མ་བྱས་ན། ཤིན་ཏུ་འཁོར་བར་མི་འགྱུར་རོ།། ཡི་གེ་བསྲེ་བར་མ་བྱས་ན། བཅུ་དྲུག་ཁང་པ་དོན་མེད་འགྱུར།། སྐོར
25b2 ཕྱོགས་ལོག་ན་དོན་མི་འགྲུབ།། རིག་སྔགས་ཉམས་དང་ལོག་པ་ནི།། ལྷ་མིན་གཡུལ་དུ་ཕམ་པ་དང་།། དབང་པོའི་དགྲ་ཡིས་དགྲ་བསད་བཞིན།། འཁོར
25b3 ལོ་སྤོ་བ་མ་བྱས་ན།། ཆོ་ག་དག་ནི་ཉམས་པར་འགྱུར།། རྒྱུ་ཡིན་པ་དང་སྦྱོར་བ་དང་།། དད་པ་བརྟན་པོས་འགྲུབ་པར་འགྱུར།། དེ་བས་ནན་ཏན་བསྐྱེད་དེ་བྱ།།
25b4 དཔལ་གཤིན་རྗེ་གཤེད་ནག་པོའི་འཁྲུལ་འཁོར་བྲི་བའི་ཆོ་ག་རྒྱས་པའི་རྟོག་པ་རྫོགས་སྷོ།།
25b5 རྒྱ་གར་སྐད་དུ། ས་མ་ཡ་ཨ་མྲི་ཏ་ཁ་ཧི་ན་མ། བོད་སྐད་དུ། དམ་ཚིག་བདུད་རྩི་ཟ་བ་ཞེས་བྱ་བ། གཤིན་རྗེ་གཤེད་ལ་ཕྱག་འཚལ་ལོ།།
25b6 དེ་ནས་གཞན་ཡང་བཤད་བྱ་བ།། བསྔགས་པས་རྟག་ཏུ་བརྟན་པ་ནི།། རུས་སྦལ་འོ་མ་ཞེས་བྱ་དང་།། དེ་བཞིན་འོད་ཀྱི་ལོ་མ་དང་།། འཇིམ་པ་སྐམ་པོ་ཉིད
25b7 དང་ནི།། དེ་བཞིན་མེའི་ཁུ་བ་དང་།། སྒྲ་སྙན་གྱི་ནི་རྫས་དག་དང་།། འདི་རྣམས་རྟག་ཏུ་བསྟེན་ན་ནི།། རང་བཞིན་གྱིས་ནི་ནད་མེད་ཅིང་།། ཚེ་རིང་དབང་པོ་རྒྱས
25b8 བ་དང་།། རྟག་ཏུ་ལང་མཚོ་དང་ལ་བབ།། ལྷ་རྣམས་ཀུན་གྱིས་བྱིན་གྱིས་བརློབས། འདི་ལ་སྤྱད་པར་མི་བྱ་སྟེ། མཐུ་དག་ངོ་བོ་ཉིད་ཀྱིས་འགྲུབ།། ཏིང་འཛིན
iiif viewer powered by OpenSeadragon
