| e-texts navigator |
| Wylie |
24b1 མ་བྱས་ནས་ནི།། སྤོ་བ་དག་ནི་བརྩམ་པར་བྱ།། ལས་ཀྱི་དབྱེ་བ་ཅི་ལྟ་བར།། འཁོར་ལོའི་རས་ནི་བླངས་བྱ་སྟེ།། ཞི་བ་དང་ནི་རྒྱས་པ་ལ།། ཤིན་ཏུ་དགེས་པའི
24b2 རས་ལ་བྱས།། དབང་དང་དགུག་པ་སྨད་འཚོང་སོགས།། གསད་དང་དབྱེ་དང་བསྐྲད་པ་དང་།། མནན་པ་ལ་ནི་དུར་ཁྲོད་རས།། གི་ཧཾ་གུར་གུམ་ཞི་རྒྱས་ལ།།
24b3 དབང་དང་དགུག་ལ་ཙན་དན་དམར།། མནན་པ་ལ་ནི་ལྡོང་རོས་སོགས།། བསྐྲད་ལ་བྱ་རོག་ཁྲག་གིས་ཏེ།། དབྱེ་བ་རྟ་དང་མ་ཧེ་སོགས།། གསད་པ་དུག་ལ་སོགས
24b4 པས་བྲི།། དགེ་བའི་ལས་ལ་བཟང་པོའི་ཤིང་།། དགེ་མིན་ལ་ནི་རུས་པ་དང་།། ལྕགས་ལ་སོགས་པས་བྲི་བར་བྱ།། ཞི་བ་ཤར་ལ་དབང་ལ་ནུབ།། རྒྱས་པ་བྱང
24b5 སྟེ་དྲག་པོ་ལྷོ།། གཞན་ཡང་ཅི་རིགས་སྦྱོར་བར་བྱ།། ཞི་རྒྱས་དབང་དང་དགུག་པ་ལ།། ས་སྐོར་རིམ་བཞིན་བགོད་བྱ་སྟེ།། གནམ་བསྐོར་དག་ནི་རིམ་ལས་བཟློག།
24b6 གསད་སྐད་དབྱེ་དང་མནན་པ་ལ།། ས་སྐོར་རིམ་ལས་བཟློག་པ་སྟེ།། གནམ་བསྐོར་དག་ནི་རིམ་བཞིན་བྲི།། འདི་ལྟར་ལེགས་པར་མ་བྲིས་ན།། འཁོར་ལོ་རང་ལ
24b7 ལྡོག་པར་འགྱུར།། དེ་བས་ནན་ཏན་བསྐྱེད་དེ་བྱ།། རས་ཀྱི་འཁོར་ལོ་ལེགས་ཟིན་ནས།། མཎྜལ་ལ་གནས་འཁོར་ལོ་དེ།། རས་ཀྱི་འཁོར་ལོར་སྤྱན་དྲངས་ཏེ།།
24b8 རྡོ་རྗེ་བསྡུ་བའི་སྦྱོར་བ་ཡིས།། མཎྜལ་འཁོར་ལོ་བསྡུ་བར་བྱ།། རས་ཀྱི་འཁོར་ལོ་མཆོད་ནས་ནི། བདེན་པའི་བྱིན་བརླབས་དམིགས་པར་བྱ། ཅི་ལྟར་གསུངས
iiif viewer powered by OpenSeadragon
