| e-texts navigator |
| Wylie |
22b1 དྲི་དང་བའི་རྣམ་ལྔ་དང་། ཉི་ཟླ་སོགས་པ་བྱི་དོར་བྱ།། ཤ་ལ་སོགས་པ་དམ་རྫས་ལྔ།། གཞན་ཡང་ཚོགས་ཀྱི་འཁོར་ལོ་དང་།། ཕྱི་ནས་མཆོད་པའི་བྱེ་བྲག་གིས།།
22b2 ལེགས་པར་མཆོད་པར་བྱས་ནས་ནི།། འཁོར་ལོ་བྲི་དང་བཏུ་བ་དང་།། དྲང་དང་བསྲེ་དང་སྤོ་བ་བརྩམ།། སྔགས་པ་རྣལ་འབྱོར་ལྡན་པ་ཡིས།། ལྷོའི
22b3 ཕྱོགས་སུ་ཁ་ལྟས་ཏེ།། དམ་ཚིག་རྗེས་སུ་དྲན་པ་ཡིས།། ཨོཾ་བཛྲ་ས་ཡ་ཡ་སྟོ།། གསང་སྔགས་འདི་ནི་དྲན་བྱེད་ཅིང་།། འཁོར་ལོ་བྲི་བར་བརྩམས་པར་བྱ།།
22b4 དབུས་ནས་སོར་ཚད་བཅུ་དྲུག་པ།། ཀུན་ཏུ་ཟླུམ་པོར་བསྐོར་བ་ནི།། འདི་ནི་ནང་གི་འཁོར་ལོ་སྟེ།། རིམ་པ་གསུམ་དུ་བསྐོར་བ་ལ།། སྒོ་མེད་ལྕགས་མཁར
22b5 བཅུ་དྲུག་བྱ།། འདི་ནི་གཤིན་རྗེའི་གྲོང་ཁྱེར་ཏེ།། སྲིད་པ་གསུམ་གྱི་འཇུག་ས་ཡིན།། དེའི་ཕྱི་རིམ་མུ་ཁྱུད་གསུམ།། ཀུན་ཏུ་ལྕགས་རིས་སྐོར་བ་སྟེ།། མུ
22b6 ཁྱུད་དེ་དག་རེ་རེ་ལ། ཁང་པ་སུམ་བཅུ་རྩ་གཉིས་མཛེས།། འགྲོ་བའི་ཆོས་བཞིན་གཅོད་པ་ཡི།། འཁོར་ལོ་འདི་ལྟར་བྲིས་ནས་ནི།། ཕྱི་རོལ་མུ་ཁྱུད་ཐ་མ་ལ།།
22b7 ཡི་གེ་ཀ་སོགས་ད་ཡིག་མཐའ།། ང་ཉ་གསལ་ནས་དགོད་པར་བྱ།། ཡི་གེ་རྔ་སོགས་ཀྵ་ཡིག་མཐའ།། དེའི་རྗེས་སུ་བྲི་བར་བྱ།། མུ་ཁྱུད་དབུས་མ་དག་ལ་ནི། དབྱང
22b8 ཡིག་བཅུ་དྲུག་གཉིས་འགྱུར་རོ།། བཏུ་དང་དགོད་སོགས་རྩོམ་པ་ན། མཚན་མ་འདི་དག་ཤེས་པར་བྱ། ཟླ་བ་མིག་དང་ཡོན་ཏན་དང་། རིག་བྱེད་མདའ་དང་དབང་པོ་དང་།
iiif viewer powered by OpenSeadragon
