| e-texts navigator |
| Wylie |
94b1 ཀྱང་རྟ་བསྒྲུབ་པར་བྱ་བའི་ལུས་ལ་དགོད།། ཡོངས་སུ་གྱུར་པས་ཕྱག་རྒྱ་བཞིའི།། དཀྱིལ་འཁོར་དེར་ནི་བརྟག་པར་བྱ།། བདག་ཉིད་དབུས་སུ་གནས
94b2 བྱས་ལ།། འཁོར་ལོ་ཀུན་ཅན་བསྡུ་བར་བྱ།། ཐམས་ཅད་རྡོ་རྗེའི་དངོས་བྱས་ལ།། དེ་ཚེ་བྱང་ཆུབ་བསྒོམ་པར་བྱ།། བསྐུལ་བའི་གླུ་དབྱངས་བཞི་ཡི
94b3 ནི། ལྷ་མོས་སྙིང་པོ་བསྐུལ་བ་ཡིས།། དུས་གསུམ་རྡོ་རྗེའི་རང་བཞིན་སེམས།། ཡེ་ཤེས་ལྟ་བུར་ལུས་བསྒོམ་མོ།། བཞིའི་ཁ་དོག་རྣམ་པར་དབྱེ།། དེ
94b4 བཞིན་ཉི་མའི་སྙིང་པོ་སྟེ།། དབང་བསྐུར་བ་ནི་རང་གི་རྒྱུད།། བཞི་ཡིས་འབྲས་བུ་བྱེད་པ་ཡིན། སྔགས་ཀྱི་ཆོས་ནི་བྱེད་འགྱུར་ལ།། རིག་པའང་ཆོས
94b5 ཀྱིས་ཕྱག་རྒྱས་སོ།། འཁོར་ལོ་བསྒྱུར་བའི་རྒྱལ་པོ་དྲུག། བཅུག་གཏོར་ཞེས་ནི་རྣམ་པར་གྲགས།། རྫུ་འཕྲུལ་ཆེ་བའི་ལོངས་སྤྱོད་བཞི།། རིག་པའི
94b6 རྒྱལ་མོ་ཞེས་བྱར་གྲགས།། དེ་བཞིན་རྡོ་རྗེའི་བདག་པོ་རྣམས།། འདོད་པ་ཐམས་ཅད་ཞེས་བྱར་བཤད།། བསམ་གཏན་རྡོ་རྗེ་ཐམས་ཅད་ལ།། དབང་བསྐུར་བར
94b7 ནི་རབ་ཏུ་བསྔགས།། ཆོ་གའི་སྦྱོར་བ་འདི་ཡིས་ནི།། ཡེ་ཤེས་ལུས་དང་ལྷན་ཅིག་ཏུ།། སྐུ་གསུང་ཐུགས་ནི་རྡོ་རྗེ་ཡིས།། གཉིས་སུ་མེད་པ་བྱེད་བསྒྲུབ་ལ།།
94b8 སྔར་བཤད་པའི་རིམ་གྱིས་ནི།། རིག་པའི་སྐྱེས་བུ་རྡོ་རྗེ་ཅན།། བསྒྲུབ་པ་ཆེན་པོ་ཞེས་བཤད་དོ།། བསྙེན་པའི་དུས་སུ་གཙུག་གཏོར་ཆེའི།། སྦྱོར་བ་ཉིད
iiif viewer powered by OpenSeadragon
