| e-texts navigator |
| Wylie |
88a1 པའི་རང་བཞིན་པས།། གཟུགས་ནི་གཏི་མུག་ཡིན་པར་བཤད།། བདག་ཏུ་རློམ་པའི་ངོ་བོ་གང་། ཚོར་བ་དྲེགས་པ་ཡིན་པར་བཤད། དངོས་ལ་ཆགས
88a2 པའི་མཚན་ཉིད་གང་།། འདུ་ཤེས་ཡང་དག་ཆགས་བདག་ཉིད། རྐྱེན་གྱིས་དྲངས་པའི་བདག་ཉིད་ཅན། འདུ་བྱེད་རྟག་ཏུ་ཕྲ་དོག་ཡིན། བྱང་ཆུབ་སེམས་ཀྱི་ངོ་བོ་ཉིད།། སྲིད
88a3 པ་ཀུན་འབྱུང་ཐམས་ཅད་དུ།། འདོད་ཆགས་ཞེ་སྡང་རྨོངས་པའི།། སེམས་ནི་འདོད་པ་ཞེས་བྱར་བཤད།། དམ་ཚིག་སྣ་ཚོགས་འདྲ་བ་ཡིས།། མངོན་ཕྱོགས་ལས་ལས་སྐྱེས
88a4 འབྲས་བུ།། གཉིས་མེད་ཡེ་ཤེས་ཆོས་རྣམས་ལ།། ང་རྒྱལ་བྱེད་པ་རྨོངས་ཞེས་བཤད། དེ་ཕན་ཚུན་འཚེར་བ་ནི།། ཞེ་སྡང་ཞེས་ནི་བྱ་བར་བཤད། མཚན་ཉིད་འདོད་ཆགས
88a5 ཞེན་པ་ཡིན། ཡེ་ཤེས་ཐབས་ནི་རྡོ་རྗེར་བཤད། དགའ་རྫོགས་པ་ལོངས་སྤྱོད་མཆོག། བུད་མེད་བདེ་མཆོག་ཕུན་སུམ་ཚོགས། གཏི་མུག་ཞེ་སྡང་འདོད་ཆགས་དང་།། རྡོ་རྗེ
88a6 ལ་དགའ་རྟག་པར་གནས། དེ་ནས་སངས་རྒྱས་རྣམས་ཀྱི་ཐབས། རྡོ་རྗེ་ཐེག་པ་ཞེས་བཤད་དོ།། མི་འཇིགས་བདག་ཉིད་ཆོས་རྣམས་ནི། མ་སྐྱེས་པ་ཡི་ངོ་བོ་ཉིད།། དངོས
88a7 པོ་ཀུན་གྱི་དམ་ཚིག་སྟེ། དེ་ཉིད་གཤིན་རྗེ་མཐར་བྱེད་དོ།། རྣམ་ཤེས་མིན་བདག་ཆོས་རྣམས་ནི། དོན་དམ་མི་འགྱུར་དག་འགྱུར་ཉིད། སེམས་ཅན་ཀུན་གྱི་དམ་ཚིག་སྟེ།། དེ་ནས
88a8 རྒྱལ་བ་ཤེས་མཐར་བྱེད། བརྗོད་མེད་བདག་མེད་ཆོས་རྣམས་ནི།། མིང་དང་གཟུགས་བློ་དངོས་པོ་མེད། ཆོས་རྣམས་ཀུན་གྱི་དམ་ཚིག་སྟེ། དེས་ན་རྒྱལ་བཤེས་མཐར་བྱེད།།
iiif viewer powered by OpenSeadragon
